தவறவிடாதீர்கள்..!உடனே பதிவு செய்யுங்கள்

வவுனியாவில் இன்று நகர கிராம சேவையாளரினால் வரட்சி நிவாரணம் வழங்குவதாகத் தெரிவித்து கற்குழிப்பகுதியிலுள்ள பெண்களை அழைத்துக்கொண்டு நகரசபை சிறுவர் பூங்காவினை அண்டிய பகுதியிலுள்ள அரச விடுதிகள், திணைக்களங்களில் சிரமதானம் மேற்கொள்வதற்கு பெண்களை அழைத்துச் சென்றுள்ளதாக தெரிவித்துள்ளனர்.

இவ் விடயம் குறித்து மேலும் அம்மக்கள் தெரிவிக்கும்போது, 

இன்று காலை கற்குழிப்பகுதியில் நகர கிராம அலுவலகர் வரட்சி நிவாரணம் பெற்றுக்கொள்பவர்கள் சிரமதானம் மேற்கொள்ள வேண்டும் என்று தெரிவித்துள்ளார். இதையடுத்து கற்குழிப்பகுதியிலுள்ள குடும்பப் பெண்கள் பலர் சென்றனர்.

இதன்போது அவர்களை அழைத்துக்கொண்டு சுமார் இரண்டு கிலோ மீற்றருக்கு அப்பாலுள்ள நகரசபை சிறுவர் பூங்காவினை அண்டிய பகுதிகளில் சிரமதானம் மேற்கொள்வதற்கு அறிவுறுத்தல் வழங்கியுள்ளார். இதையடுத்து குறித்த குடும்பப் பெண்கள் இவ்விடயத்தினை பிரதேச செயலாளரின் கவனத்திற்குக் கொண்டு சென்றபோது அவர், நீங்கள் விரும்பினால் சிரமதானம் செய்யுங்கள் இல்லாவிட்டால் கிராம அலுவலகரிடம் எழுதிக்கொடுத்துவிட்டு சென்றுவிடுங்கள் என்று தெரிவித்துள்ளார்.

எனவே தமது பகுதியாக கற்குழிப்பகுதியில் சிரமதானம் மேற்கொள்வதை விடுத்து இரண்டு கிலோ மீற்றருக்கு அப்பாலுள்ள சிறுவர் பூங்கா வீதியிலுள்ள அரச விடுதிகளிலும், அரச திணைக்களங்களிலும் தம்மை சிரமதானம் மேற்கொள்வதற்கு கிராம அலுவலகர் நடவடிக்கை மேற்கொண்டுள்ளதாகவும் தாங்கள் வீட்டிலிருந்த உடைகளுடன் இப்பகுதிக்கு அழைத்து வரப்பட்டுள்ளதாகவும் அப்பகுதி மக்கள் விசனம் தெரிவித்துள்ளனர்.