தவறவிடாதீர்கள்..!உடனே பதிவு செய்யுங்கள்

இந்தியாவின் தமிழகத்தில் கிருஷ்ணகிரி மாவட்டம் தேன்கனிக்கோட்டை அருகே 10 வயது பாடசாலை சிறுமியை பலாத்காரம் செய்த கூலி தொழிலாளிக்கு 5 ஆண்டுகள் சிறை தண்டனை விதித்து கிருஷ்ணகிரி மகளிர் நீதிமன்றம் தீர்ப்பளித்துள்ளது.

தமிழகத்தில் கிருஷ்ணகிரி மாவட்டம் தேன்கனிக்கோட்டை அருகே அமைந்துள்ள அடைகலபுரம் கிராமத்தை சேர்ந்த 37 வயதான பால்ராஜ் என்ற. கூலி தொழிலாளியான இவர், அதே பகுதியில் உள்ள ஊராட்சி ஒன்றிய தொடக்கப் பாடசாலையில்  5 ஆம் வகுப்பு படித்து வந்த 10 வயது சிறுமியை, மதிய உணவு இடைவேளையின் போது, தனது வீட்டிற்கு அழைத்து பாலியல் துஸ்பிரயோகம் செய்துள்ளார். 

இது குறித்து தகவல் அறிந்த அந்த சிறுமியின் பெற்றோர்கள், தேன்கனிக்கோட்டை அனைத்து மகளிர் பொலிஸ் நிலையத்தில் புகார் அளித்தனர். புகாரின் பேரில் பொலிஸார் வழக்குபதிவு செய்து, பால்ராஜை கைது செய்தனர். 

இந்த வழக்கு விசாரணை கிருஷ்ணகிரி மகளிர் நீதிமன்றத்தில் நடந்து வந்தது. விசாரணை முடிந்த நிலையில் நேற்று நீதிபதி தீர்ப்பளித்தார். அந்த தீர்ப்பில், சிறுமியை பாலியல் துஸ்பிரயோகம்  செய்த குற்றத்திற்காக பால்ராஜிக்கு  5 வருட சிறைத் தண்டனை தீர்ப்பளித்தார்.