தவறவிடாதீர்கள்..!உடனே பதிவு செய்யுங்கள்

மட்டக்களப்பு, தொப்பிகல நரக்கமுல்ல பிரதேச காட்டுப் பகுதிக்குள் சட்டவிரோதமான முறையில் கடத்திவிருந்த ஒரு தொகை தேக்கு மரக்குற்றிகளையும் மூன்று வாகனங்களையும் கைப்பற்றியுள்ளதாக பொலிஸார் தெரிவித்துள்ளனர்.

மட்டக்களப்பு- புல்லுமலை வட்டார வன காரியாலய அதிகாரிகளுக்குக் கிடைத்த இரகசியத்தகவலையடுத்து வவுணதீவு தாண்டியடி விசேட அதிரடிப்படையினரின் ஒத்துழைப்புடன் இந்த  இம் மரக்கடத்தல் முறியடிக்கப்பட்டுள்ளது.

இதன்போது மரக்கடத்தலுக்குப் பயன்படுத்தப்பட்ட லொறி மற்றும் இரண்டு உழவு இயந்திரங்களுடன் 34 தேக்கு மரக்குற்றிகள் கைப்பற்றப்பட்டுள்ளதுடன் சாரதிகள் உள்ளிட்ட சந்தேக நபர்கள் தப்பியோடிவிட்டதாக வட்டார வன காரியாலய அதிகாரி தெரிவித்ததுடன்.

இது தொடர்பான மேலதிக விசாரணைகளை பொலிஸார் மேற்கொண்டு வருகின்றமை குறிப்பிடத்தக்கது.