தவறவிடாதீர்கள்..!உடனே பதிவு செய்யுங்கள்

தேசிய மட்ட உதைபந்தாட்ட இறுதிப்போட்டியில் சமநிலை தவிர்ப்பு உதைமூலம் யாழ்.புனித பத்திரிசியார் கல்லூரியின் 16 வயதிற்குட்பட்டோருக்கான அணி வெற்றிபெற்று தேசிய மட்ட சம்பியன் கிண்ணத்தை சுவீகரித்தது.

இலங்கை பாடசாலைகளுக்கிடையிலான உதைபந்தாட்டப் போட்டிகள் கடந்த மாதம் அநுராதபுரத்தில் இடம்பெற்றது.

இந்நிலையில் 16 வயதுப் பிரிவினருக்கான இறுதியாட்டம் இடம்பெறாமல் பிற்போடப்பட்டது.

இதன் இறுதியாட்டம் நேற்று புதன்கிழமை அநுராதபுரத்தில் இடம்பெற்றது.

இந்த இறுதிப் போட்டியில் யாழ்ப்பாணம் புனித பத்திரிசியார் கல்லூரி அணியை அநுராதபுரம் அல்ஹமிர் மத்திய கல்லூரி சந்தித்த்து.

முதல் பாதியாட்டத்தில் ஆதிக்கம்செலுத்திய புனித பத்திரிசியார் கல்லூரிக்கு லியோ ஜெரோம் அதிரடியாக ஒரு கோலினைப் பெற்றுக்கொடுக்க 2:0 என்ற கோல் கணக்கில் புனித பத்திரிசியார் கல்லூரி முன்னிலை பெற்றது.

இந்நிலையில் பதிலுக்கு அல்ஹமிர் கல்லூரி அணி ஒரு கோலினைப் பெற்றுக்கொண்டது.

இதேவேளை, 2 ஆம் பாதியாட்டத்தில் இரு அணிகளும் ஒன்றுக்கொன்று விட்டுக்கொடுக்காத வகையில் தமது போட்டித் தன்மையை வெளிப்படுத்தின. இதனால் போட்டி பெரும் பரபரப்பை ஏற்படுத்தியது.

புனித பத்திரிசியார் கல்லூரி அணி கோல் போடுவதற்காக எடுத்த அனைத்து முயற்சிகளும் தவறவிடப்பட, அல்ஹமிர் கல்லூரி அணி தமக்குக் கிடைத்த வாய்ப்பை சாதகமாகப் பயன்படுத்தி ஒரு கோலினைப் போட்டு கோல் எண்ணிக்கையை சமப்படுத்தியது.

இந் நிலையில் ஆட்டநேர முடிவில் இரு அணிகளும் 2 : 2 என்ற கோல்கணக்கில் சமநிலை பெற்றன.

இதையடுத்து சமநிலையை உடைப்பதற்காக வழங்கப்பட்ட பெனால்டி உதையை பயன்படுத்திய யாழ்ப்பாணம் புனித பத்திரிசியார் கல்லுரி அணி 4:3 என்ற கோல்கள் அடிப்படையில் வெற்றிபெற்று தேசிய மட்டத்தில் சம்பியன் ஆகியது.