தவறவிடாதீர்கள்..!உடனே பதிவு செய்யுங்கள்

மலையக தோட்டத் தொழிலாளர்களின் சம்பள உயர்வுக் கோரிக்கையை வலியுறுத்தி பல்வேறு போராட்டங்கள் நடைபெற்றுவரும் நிலையில் அவர்களுக்கு ஆதரவாக திருகோணமலை மாவட்ட அகரம் மக்கள் மைய்யம் மற்றும் திருகோணமலை மாவட்ட சமூக ஆர்வலர்கள், பொது மக்கள் இன்று காலை 9.00 மணிக்கு திருகோணமலை அநுராதபுரச்சந்தி சந்தைக்கு முன்னால் அறவழிப் போராட்டத்தினை முன்னெடுத்தனர்.

இந்த போராட்டத்தில் மலையக மக்களுக்கு ஆதரவாகவும் அவர்களின் 1000 ரூபா சம்பள கோரிக்கைக்கு ஆதரவாகவும் அனைவரையும் ஒன்றிணையுமாறும் அழைப்பு விடுக்கப்பட்டது.

மலையக மக்களை வாழவை,  ஏழை மக்களை ஒடுக்காதே, கூட்டு ஒப்பந்தம் இரத்துச் செய்யப்பட்டு சம்பள நிர்ணய சபை ஒன்றை உருவாக்கி சம்பளப் பிரச்சினைக்கு நிரந்தர தீர்வொன்றைப் பெற்றுக் கொடுக்க அரசு ஆவண செய்ய வேண்டும், போன்ற பல்வேறு வாசகங்கள் பொறிக்கப்பட்ட பதாகைகளை ஆர்ப்பாட்டக்காரர்கள் ஏந்தியிருந்தனர்.

இந்த ஆர்ப்பாட்டத்தில் திருகோணமலை தமிழ் அரசியல் வாதிகள் சிலர் பங்கேற்றிருந்தனர்.