தவறவிடாதீர்கள்..!உடனே பதிவு செய்யுங்கள்

(இரோஷா வேலு)

கொழும்பின் இருவேறு பகுதிகளில் நேற்று 268 கிராமுக்கும் அதிகமான நிறையுடைய ஹெரோயின் போதைப்பொருளுடன் இருவர் கைதுசெய்யப்பட்டுள்ளதாக பொலிஸ் ஊடகம் தெரிவித்துள்ளது. 

மட்டக்குளி பொலிஸ் பிரிவுக்குட்பட்ட தேவாலயம் ஒன்றுக்கருகில் வைத்து வெள்ளவத்தை ஊழல் தடுப்பு பிரிவு பொலிஸாரால் இளைஞர் ஒருவர் கைதுசெய்யப்பட்டார். இதன்போது மட்டக்குளியைச் சேர்ந்த 26 வயதுடைய லியனதுரு லக்மால் தில்ருக்ஷ என்பவரே இவ்வாறு 250 கிராம் 560 மில்லிகிராம் நிறையுடைய ஹெரோயினுடன் கைதுசெய்யப்பட்டார். 

நேற்று  கைது செய்யப்பட்ட இவர் மேலதிக விசாரணைகளுக்காக மட்டக்குளிய பொலிஸாரிடம் ஒப்படைக்கப்பட்ட நிலையில் மட்டக்குளிய பொலிஸார் அவரை இன்று மாளிகாகந்த நீதவான் நீதிமன்றில் ஆஜர்படுத்த நடவடிக்கை மேற்கொண்டுள்ளனர். 

மேலும் இன்னுமொருவர் நேற்று காலை 11 மணியளவில் மொரட்டுவ பொலிஸ் பிரிவுக்குட்பட்ட பகுதியில் வைத்து விசேட அதிரடி படையின் தலைமைக்காரியாலயத்தைச் சேர்ந்த அதிகாரிகளால்  மொரட்டுவ உயன வீதி லுனாவ பகுதியில் வைத்து கைதுசெய்யப்பட்டார். 

மொறட்டுவையைச் சேர்ந்த 30 வயதுடைய கல்வ நிரஞ்சன் என்பவரே இவ்வாறு 18 கிராம் 150 மில்லிகிராம் நிறையுடைய ஹெரோயினுடன் கைதுசெய்யப்பட்டார்.