தவறவிடாதீர்கள்..!உடனே பதிவு செய்யுங்கள்

(நா.தனுஜா)

பூகோள ரீதியாக பொதுவானதொரு சொத்தாகத் திகழும் இந்து சமுத்திரப் பிராந்தியத்தில் அனைத்து நாடுகளுக்குமான சமத்துவத்தன்மையினை உறுதிசெய்ய வேண்டும் என இந்தியா வலியுறுத்தியுள்ள அதேவேளை, இந்து மகா சமுத்திர கடல்மார்க்கத்திலான செயற்பாடுகள் சுதந்திரமாக இடம்பெறுவதற்கு நவீன சவால்களாக உருவாகிவரும் விடயங்கள் தொடர்பில் கண்டறிந்து தீர்வுகாண வேண்டும் என சீனா குறிப்பிட்டுள்ளது.

இந்து சமுத்திர பிராந்திய நாடுகளுக்கிடையிலான சர்வதேச மாநாடு இன்று வியாழக்கிழமை அலரிமாளிகையில் ஜனாதிபதி மைத்திரிபால சிறிசேன தலைமையில் ஆரம்பமானது.

இந்த மாநட்டில் கலந்து கொண்டு கருத்து வெளியிடுகையிலேயே சீன வெளிநாட்டலுவல்கள் அமைச்சின் எல்லைத் திணைக்களம்  மற்றும் சமுத்திர விவகாரங்களுக்கான பணிப்பாளர் நாயகம் யி சியான்லியாங் மற்றும் இந்திய பிரதி தேசிய பாதுகாப்பு ஆலோசகர் பங்கஜ் சரண் மேற்கண்டவாறு குறிப்பிட்டனர்.