தவறவிடாதீர்கள்..!உடனே பதிவு செய்யுங்கள்

அவுஸ்திரேலியாவிற்கு எதிரான முதலாவது டெஸ்டில் ஆறு விக்கெட்களை வீழ்த்தியுள்ள பாக்கிஸ்தானின் சுழற்பந்து வீச்சாளர் பிலால் அசீவ் இந்த டெஸ்டை வெல்வதற்கு உதவுவதன் மூலம் தனது முதலாவது டெஸ்டை மறக்க முடியாததாக மாற்ற விரும்புவதாக தெரிவித்துள்ளார்

பாக்கிஸ்தான் அணிக்காக துபாயில் தனது முதலாவது டெஸ்டை விளையாடிவரும் 33 வயது ஓவ்ஸ்பின்னர் அசீவ் முதல் இனிங்சில் ஆறு விக்கெட்களை வீழ்த்தியுள்ளார்.

நான் ஒரு நாள் அணிக்காக 2015 இல் விளையாடினேன் எனினும் மூன்று வருடங்களிற்கு பின்னரே எனக்கு டெஸ்ட் வாய்ப்பு கிடைத்தது என குறிப்பிட்டுள்ள அவர் நான் பாக்கிஸ்தானின் தேசிய கிரிக்கெட் அகடமியில் கடுமையான பயிற்சிகளில் ஈடுபட்டேன் எனவும் தெரிவித்துள்ளார்

முதல் இனிங்சில் ஆறு விக்கெட்களை வீழ்த்தியமை குறித்து மகிழ்ச்சியடைகின்றேன் பாக்கிஸ்தானின் வெற்றிக்கு உதவுவதன் மூலம் இந்த டெஸ்டை மறக்க முடியாததாக மாற்ற முயல்வேன் என அவர் தெரிவித்துள்ளார்.

நான் நீண்ட காலமாக பந்து வீசி வருகின்றேன் இதன் காரணமாக எப்படி பந்து வீசவேண்டும் என்ற அனுபவம் எனக்குள்ளது இந்த ஆடுகளம் சுழற்பந்து வீச்சாளர்களிற்கு சாதகமானது என்பதை கணித்து அதற்கேற்ப பந்து வீசினேன் என அவர் தெரிவித்துள்ளார்.

முதல் டெஸ்ட் என்பதால் அழுத்தங்கள் இருந்தன இதனால் நான் ஆரம்ப ஓவர்களை சிறப்பாக வீசவில்லை என தெரிவித்துள்ள பிலால் அசீவ்; எனினும்எனது அணி வீரர்கள் எனக்கு நிறைய ஆதரவை வெளியிட்டனர் எனவும் குறிப்பிட்டுள்ளார்.