தவறவிடாதீர்கள்..!உடனே பதிவு செய்யுங்கள்

அருண் மாதேஸ்வரன் இயக்கத்தில் ராக்கி என்ற படத்தின் ஃபர்ஸ்ட் லுக் வெளியாகியிருக்கிறது.

அண்மையில் வெளியாகி பெரிய வெற்றியையும், வரவேற்பையும் பெற்ற படம் தரமணி. இதில் கதையின் நாயகனாக நடித்திருந்தவர் வசந்த் ரவி. அவர் நடிப்பில் உருவாகியிருக்கும் இந்த படத்தின் ஃபர்ஸ்ட் லுக்கை நேற்று தன்னுடைய இணையப்பக்கத்தில் வெளியிட்டார் இசையமைப்பாளர் அனிரூத்.

இது குறித்து வசந்த் ரவி மேலும் பேசுகையில்,‘ தரமணி படத்திற்கு ஐம்பதிற்கும் மேற்பட்ட திரைக்கதைகளைக் கேட்டேன். ஆனால் அறிமுக இயக்குநர் அருண் மாதேஸ்வரன் சொன்ன கதை பிடித்திருந்தது. கேங்ஸ்டரின் கதை தான் என்றாலும் அதன் எக்சன் பின்னணி எம்மை ஈர்த்தது. நான் ஏற்கனவே இரண்டாண்டுகளாக கிக் பொக்சிங்கை கற்றிருந்தேன். அந்த பயிற்சி இந்த படத்திற்கு உதவியது. இயக்குநர் அருண், இயக்குநர் தியாகராஜன் குமாரராஜாவின் உதவியாளர் மட்டுமல்ல, இறுதிச்சுற்று படத்திற்கு வசனமெழுதியவரும் கூட என்பதால் அவரை நம்பி இந்த ‘ராக்கி’யில் நடிக்கிறேன்.’ என்றார் வசந்த் ரவி.

இந்த படத்தின் இறுதிக்கட்ட படபிடிப்பு விரைவில் தொடங்கவிருப்பதாகவும், படபிடிப்பு முடிந்தவுடன் டீஸர் வெளியிடப்படும் என்றும் படக்குழுவினர் தெரிவித்தனர்.