எதிர்வரும் குளிர்காலத்தில் ஸ்ரீலங்கன் விமான சேவைகளின் நேர அட்டவணைகளில் மாற்றம் ஏற்படுத்தப்படவுள்ளது.    

இதனடிப்படையில், A 330 – 300 ரக விமானம்,  எதிர்வரும் 28 ஆம் திகதி முதல் நாளாந்தம் மெல்பர்ன் நோக்கி பயணிக்கவுள்ளதாக ஸ்ரீலங்கன் விமான சேவைகள்  நிறுவனம் தெரிவித்துள்ளது..

வாராந்தம் முன்னெடுக்கப்படும் விமான சேவைகளின் எண்ணிக்கையை அதிகரிக்கும் வகையில்,  விமான சேவைகளின் பயணங்களை 17 முதல் 21 வரை அதிகரிக்கப்படவுள்ளது. இதேவேளை, எதிர்வரும் 27 ஆம் திகதி முதல் ஹொங்கொங்கிற்கான விமான சேவைகள் இரத்துச்  செய்யப்படவுள்ளன.

ஹொங்கொங் பயணிப்பதற்கு மற்றும் ஹொங்கொங்கிலிருந்து வருகை தருவதற்கு,  விமானச் சீட்டுகளைக்  கொள்வனவு செய்துள்ள பயணிகள், ஏனைய விமான சேவைகள் மூலம்,  தமது பயணத்தை மேற்கொள்வதற்கான சந்தர்ப்பம் வழங்கப்பட்டுள்ளதாக, ஸ்ரீலங்கன் விமான சேவைகள் நிறுவனம் மேலும் சுட்டிக்காட்டியுள்ளது.