தவறவிடாதீர்கள்..!உடனே பதிவு செய்யுங்கள்

அட்டன் பொலிஸ் பிரிவிற்குட்பட்ட அட்டன் டன்பார் பகுதியில் உள்ள உள் வீதி ஒன்றின் பூஞ்செடிகள் வளர்க்கப்படும் பாத்தி ஒன்றில் இருந்து ரி- 56 துப்பாக்கிக்கு பயன்படுத்தும் ஆறு ரவைகள் மீட்கபட்டுள்ளதாக அட்டன் பொலிஸார் தெரிவித்தனர். இன்று காலை 9 மணி அளவில் குறித்த தோட்டாக்கள் மீட்கபட்டுள்ளதாக பொலிஸார் மேலும் தெரிவித்தனர்.

பொதுமக்களால் அட்டன் பொலிஸாருக்கு வழங்கபட்ட தகவலுக்கமைய சம்பவ இடத்திற்கு விரைந்த பொலிஸார் குறித்த தோட்டாக்களையும் இராணுவத்தினர் பயன்படுத்திய கடிகாரம் ஒன்றையும் மீட்டுள்ளதாக அட்டன் பொலிஸாரின் ஆரம்பகட்ட விசாரணைகளில் இருந்து தெரியவந்துள்ளது.குறித்த தோட்டக்கள் இராணுவப்படையில் உள்ளவர்களுடையது என அட்டன் பொலிஸார் சந்தேகம் வெளியிட்டுள்ளனர்.

சம்பவம் தொடர்பில் மேலதிக விசாரணைகளை அட்டன் பொலிஸார் மேற்கொண்டு வருகின்றமை குறிப்பிடத்தக்கது.