(எம்.சி.நஜிமுதீன்)

அரசியலமைப்பின் 20 ஆவது திருத்தச் சட்டத்தை நிறைவேற்றுவதற்கு பாராளுமன்றில் மூன்றிலிரண்டு பெரும்பான்மை ஆதரவு பெற்றால் மாத்திரம் போதாது. மூன்றில் இரண்டு பெரும்பான்மையுடன் சர்வஜன வாக்கெடுப்பு நடத்தி மக்கள் ஆதரவையும் பெறவேண்டும் என ஸ்ரீலங்கா பொதுஜன பெரமுனவின் தலைவரும் முன்னாள் அமைச்சரும் சட்டத்துறை பேராசிரியருமான ஜீ.எல்.பீரிஸ் தெரிவித்துள்ளார்.

மேலும் மாகாண சபைத் தேர்தல் நடத்தப்படாமை குறித்து விரைவில் உயர்நீதிமன்றில் மனித உரிமை மீறல் மனுத்தாக்கல் செய்யவுள்ளதாகவும் குறிப்பிட்டார்.

ஸ்ரீலங்கா பொதுஜன பெரமுன ஏற்பாடுசெய்த ஊடகவியலாளர் சந்திப்பு இன்று பத்தரமுல்லையிலுள்ள அக்கட்சியின் தலைமையகத்தில் நடைபெற்றது. அதில் கலந்துகொண்டு கருத்து தெரிவிக்கையிலேயே  அவர் இதனைத் தெரிவித்துள்ளார்.