(ரி.விரூஷன்)

இலங்கையில் இராணுவம் படுகொலைகளை செய்தது என்பதற்கு சான்றாக மாணவி கிருஷாந்தியின் கொலை காணப்படுகின்றது என வடக்கு மாகாண அவைத் தலைவர் சீ.வி.கே.சிவஞானம் தெரிவித்துள்ளார்.

இதேவேளை இலங்கையில் இடம்பெற்ற படுகொலைகளுக்கு சர்வேதச பங்களிப்புடன் நீதி கிடைக்க வேண்டும் என்ற நிலைப்பாட்டிலேயே வடக்கு மாகாண சபையும் உள்ளதென வடக்கு மாகாண சபையின் எதிர்கட்சி தலைவரான சி.தவராசா தெரிவித்துள்ளார்.

இன்றைய தினம் இடம்பெற்ற , இராணுவத்தினரால் படுகொலை செய்யப்பட்ட சுண்டுக்குழி பாடசாலை மாணவி கிருஷாந்தி குமாரசுவாமியின் நினைவு நிகழ்வில் கலந்துகொண்டு நினைவுரையாற்றும் போதே அவர்கள் இதனை தெரிவித்தார்கள்.