மத்திய கிழக்கில் பணியாற்றும் இலங்கையர்களால் கிடைக்கப் பெற்ற வருமானம் எவ்வளவு தெரியுமா?

Published By: Vishnu

07 Sep, 2018 | 01:29 PM
image

மத்திய கிழக்கு நாடுகளில் பணியாற்றிவரும் இலங்கையர்கள் மூலம், 2014 ஆம் ஆண்டிலிருந்து இதுவரை 33,517 மில்லியன் அமெரிக்க டொலர் அந்நியச் செலாவணி நாட்டுக்குக் கிடைத்திருப்பதாக,  வெளிநாட்டு வேலைவாய்ப்புப்  பிரதி அமைச்சர் மனுஷ நாணயக்கார தெரிவித்துள்ளார். 

இதன்பிரகாரம், 2018 ஆம் ஆண்டு ஏப்ரல் மாதம் வரையில் 6 இலட்சத்து 37 ஆயிரத்து 534 இலங்கையர்கள்,  மத்திய கிழக்கு நாடுகளில் பணியாற்றி வருவதாகவும் பிரதி அமைச்சர்  குறிப்பிட்டுள்ளார். 

இலங்கையிலிருந்து மத்திய கிழக்கு நாடுகளுக்கு  பணியாளர்களாகச் சென்றவர்களுள்,  சவூதி அரேபியாவில் 1,61,947 பேரும், ஐக்கிய அரபு இராச்சியத்தில் 1,50,000 பேரும்,  கட்டாரில் 1,17,732 பேரும், குவைத்தில் 89,183 பேரும், ஓமானில் 21,409 பேரும், பஹ்ரைனில் 12,928 பேரும் தொழில் புரிந்து வருகின்றனர்.     

இவர்கள் மூலம்,  கடந்த 2014 ஆம் ஆண்டு முதல் 2018 ஆம் ஆண்டு ஆகஸ்ட் மாதம் வரை 33,517.7 மில்லியன் அமெரிக்க டொலர் வருமானம் கிடைத்துள்ளது. இவர்கள் நாட்டுக்கு அனுப்பிய பணத்துக்கு எந்தவித வரியும் அறவிடப்படவில்லை என்றும் சுட்டிக்காட்டியுள்ளார். 

வீட்டுப் பணியாளர்களாக மத்திய கிழக்கு நாடுகளுக்கு,  பெண்களை அனுப்பும் எண்ணிக்கை தற்போது குறைந்துள்ளது.    இதேபோல்,  அனுபவம் மிக்க நபர்களையே நாம்  அனுப்புகின்றோம். அனுபவம் இல்லாத எந்த நபர்களையும் நாம் அனுப்புவதில்லை. 

மத்திய கிழக்கை இலக்கு வைத்து முன்னெடுத்த இந்த வேலைத்திட்டத்தை, தற்போது ஏனைய  நாடுகளுக்கும் விரிவுபடுத்தியுள்ளோம். இதன் மூலம், எமக்கு  பாரிய சாதகத் தன்மைகள் நிறையவே  கிடைத்துள்ளன.

இது தவிர தென் கொரியாவில் 23,774 பேரும்,  சைப்ரசில் 4,885 பேரும்,  இஸ்ரேலில் 6,500 பேரும்,  ஜகர்த்தாவில் 9,676 பேரும், லெபனானில் 11,500 பேரும்,  மலேசியாவில் 6,000 பேரும், மாலைதீவில் 15,000 பேரும், சிங்கப்பூரில் 7,000 பேரும் தொழில் புரிந்து வருகின்றனர் என்றும் பிரதியமைச்சர் சுட்டிக்காட்டியுள்ளார்.

முக்கிய செய்திகள்

icon-left
icon-right

தொடர்பான செய்திகள்

news-image

Yamaha மோட்டார் சைக்கிள்கள், ஸ்கூட்டர்களுக்காக பிரத்தியேகமாக...

2024-03-28 10:39:07
news-image

Samsung Sri Lanka ஆனது 35%...

2024-03-27 10:43:06
news-image

பருக்களுக்கு விடைகொடுத்திடும் : பியுரிஃபைங் நீம்...

2024-03-27 10:19:07
news-image

கார்கில்ஸ் நிறுவனமானது பிளாஸ்டிக் மாசுபாட்டிற்கு எதிரான...

2024-03-27 10:17:41
news-image

SampathCards உடன் இணைந்து  0% வட்டி...

2024-03-20 02:18:01
news-image

பெண்களுக்கு அதிகாரமளித்தல், சமூகங்கள் மத்தியில் மாற்றத்தை...

2024-03-20 02:13:22
news-image

2023ம் ஆண்டின் நாலாம் காலாண்டில் குறிப்பிடத்தக்க...

2024-03-20 02:05:24
news-image

Francophonie 2024 – மார்க் அய்மன்...

2024-03-18 15:26:06
news-image

சியபத பினான்ஸ் பிஎல்சீ, பதுளை ஸ்ரீ...

2024-03-18 14:49:36
news-image

9 ஆவது வருடமாக கொழும்பு பங்குசந்தை...

2024-03-14 21:40:35
news-image

கொரியன் எயார்லைன்ஸுடன் கைகோர்க்கும் ஸ்ரீலங்கன் எயார்லைன்ஸ்

2024-03-14 21:46:34
news-image

சர்வதேச மகளிர் தினத்தை கொண்டாடிய மக்கள்...

2024-03-12 11:20:57