பரஸ்பர புரிந்துணர்விற்கு சிறந்ததோர் முன்னுதாரணம் ஹஜ்ஜுப் பெருநாள் : ஜனாதிபதி

Published By: R. Kalaichelvan

22 Aug, 2018 | 10:13 AM
image

பிரிவினைகளினால் சிதறிப்போயிருக்கும் மானிட சமுதாயத்தில் மனிதர்களுக்கிடையே இருக்க வேண்டிய பரஸ்பர புரிந்துணர்விற்கு சிறந்ததோர் முன்னுதாரணமாகவே ஹஜ்ஜுப் பெருநாள் அமைகின்றதென ஹஜ்ஜுப் பெருநாள் வாழ்த்துச் செய்தியில் ஜனாதிபதி மைத்திரிபால சிறிசேன குறிப்பிட்டுள்ளார்.

ஜனாதிபதியின் ஹஜ்ஜுப் பெருநாள் வாழ்த்துச்செய்தி வருமாறு,

உலகெங்கும் வாழும் பல இலட்சக்கணக்கான இஸ்லாமிய பக்தர்கள் ஒரே குறிக்கோளுடன் ஒன்றிணைந்து, ஒரே புண்ணிய தலத்தில் ஒன்றுகூடி மானிட சமுதாயத்தின் ஏகோபித்த எதிர்பார்ப்பான ஒற்றுமையின் பெருமையை உலகறியச் செய்யும் ஹஜ்ஜுப் பெருநாள் சமூக சகவாழ்வின் மகிமையை உலக மக்களுக்கு எடுத்தியம்பும் ஒரு முதன்மையான சமய நிகழ்வாகும்.

பண்டைய காலந்தொட்டே சமய அனுஷ்டானங்களில் ஈடுபடும்போது மானிடர்கள் ஒற்றுமையுடன் ஒன்றிணைந்துள்ளனர் என்பதை மனித வரலாற்றை நோக்கும்போது எம்மால் அவதானிக்கக்கூடியதாக உள்ளது.

சமயங்களுடன் பிணைந்து காணப்படும் வழிபாட்டு முறைகளை பாதுகாக்கும் அதேவேளை, மக்களுக்கிடையிலான நல்லுறவை விருத்தி செய்யவும் இந்த சமய நிகழ்வுகள் உதவுகின்றன.

ஹஜ் யாத்திரை என்பது இறைவனுக்கும் மனிதனுக்கும் இடையிலான பிணைப்பினை எடுத்துக்காட்டும் ஒரு புனித நிகழ்வாகும். நாடுகளினதும் தனிநபர்களினதும் தராதரங்களை பாராது உலகின் நாலா திசைகளிலிருந்தும் வருகைதரும் சகல பக்தர்களும் ஒன்றாக இணைந்து இறைவனை ஆராதிக்கும் ஒரு புண்ணிய நிகழ்வாக இதனை குறிப்பிடலாம்.

பிரிவினைகளினால் சிதறிப்போயிருக்கும் மானிட சமுதாயத்தில் மனிதர்களுக்கிடையே இருக்க வேண்டிய பரஸ்பர புரிந்துணர்விற்கு சிறந்ததோர் முன்னுதாரணமாகவே ஹஜ்ஜுப் பெருநாள் அமைகின்றது.

புனித மக்கா நகரத்தை மையப்படுத்திய சமத்துவத்தின் செய்தியை மனிதர்களிடையே கொண்டு சேர்க்கும் ஹஜ்ஜுப் பெருநாளைக் கொண்டாடும் நம் நாட்டின் சகல இஸ்லாமிய பக்தர்களுக்கும் உலகவாழ் முஸ்லிம்களுக்கும் எனது இதயபூர்வமான தியாகத் திருநாள் நல்வாழ்த்துக்களை தெரிவித்துக்கொள்கின்றேன்.

முக்கிய செய்திகள்

icon-left
icon-right

தொடர்பான செய்திகள்

news-image

பொதுத் தேர்தல் இடம்பெற்றால் எந்த கட்சிக்கும்...

2024-03-29 18:29:33
news-image

ஞானசார தேரர் திடீரென சிறைச்சாலை வைத்தியசாலையில்...

2024-03-29 18:07:00
news-image

மார்ச்சில் பணவீக்கம் 0.9 சதவீதமாக சடுதியாக...

2024-03-29 18:01:49
news-image

யாழ். போதனா வைத்தியசாலைக்கான எரியூட்டியை அமைச்சர்...

2024-03-29 17:55:07
news-image

பொதுஜன பெரமுனவின் மாவட்ட மகா சம்மேளனம்...

2024-03-29 17:15:52
news-image

இனப்பிரச்சினைக்கு 13 வது திருத்தத்தின் அடிப்படையில்...

2024-03-29 16:52:41
news-image

சிவனொளிபாத மலையிலிருந்து பள்ளத்தில் விழுந்த சுற்றுலா...

2024-03-29 17:02:49
news-image

சந்தேகத்துக்கிடமான செயற்பாடுகள் காணப்பட்டால் உடனடியாக பொலிஸாருக்கு...

2024-03-29 18:20:48
news-image

அநுராதபுரம் திறந்தவெளி சிறைச்சாலையில் இரு கைதிகள்...

2024-03-29 15:55:47
news-image

அதிகார பகிர்வினால் மாத்திரமே பொருளாதார வளர்ச்சி...

2024-03-29 15:40:08
news-image

அம்பாந்தோட்டையில் புதிய சுத்திகரிப்பு நிலையம் சினொபெக்...

2024-03-29 15:29:13
news-image

நுவரெலியாவில் ஆடை தொழிற்சாலை ஊழியர்களின் போராட்டம்...

2024-03-29 14:40:51