ஆண்­க­ளுக்­கான 200 மீற்றர் நீச்சல் போட்­டியில் இலங்கை வீரர் மெத்யூ அபே­சிங்க தனது சாத­னை­யையே புதுப்­பித்தார்.

இந்­தோ­னே­ஷி­யாவில் நேற்று முன்­தினம் ஆரம்­ப­மான 18 ஆவது ஆசிய விளை­யாட்டு விழாவின் முதல் நாளான நேற்று  நடை­பெற்ற போட்டியிலேயே அவர் இந்த சாதனையை படைத்தார். 

இது இலங்கை தேசிய சாத­னை­யாகப் பதி­வா­கி­யி­ருந்­தாலும் கூட மெத்­தியூ இறுதிப் போட்­டியில் பங்­கு­பற்றும் வாய்ப்பைத் தவ­ற­விட்டார்.

45 ஆசிய நாடுகள் பங்­கேற்­றுள்ள இவ்­வி­ளை­யாட்டு விழாவின் உத்­தி­யோ­கபூர்வ தொடக்க விழா கண்­கவர் கலை நிகழ்ச்­சி­க­ளுடன் சனிக்கிழமை இரவு ஆரம்­ப­மா­னது.

அதன் தொடர்ச்­சி­யாக விளை­யாட்டுப் போட்­டிகள் நேற்று ஆரம்­ப­மா­யின. இந்­நி­லையில், நீர்­நிலைப் போட்­டி­களின் ஆரம்ப சுற்றுப் போட்­டிகள் நேற்றுக் காலை ஜகார்த்­தா­வி­லுள்ள கலேரா பங் கர்னோ விளை­யாட்­ட­ரங்கின் நீச்சல் தடா­கத்தில் தொடங்­கி­ன.

இதில் இலங்கை அணியின் நட்­சத்­திர நீச்சல் வீர­ரான மெத்தியூ அபே­சிங்க, ஆண்­க­ளுக்­கான 200 மீற்றர் ப்ரீ ஸ்டைல் போட்­டியின் 3 ஆவது தகுதிச் சுற்றில் பங்­கு­பற்­றி­யி­ருந்தார்.

பந்­தய தூரத்தை 1:50:97 வினாடி­களில் நிறை­வு­செய்த மெத்­தியூ, 6 ஆவது இடத்தைப் பெற்­றுக்­கொண்­ட­துடன் ஒட்­டு­மொத்த நிலையில் 12ஆவது இடத்தைப் பெற்று இறுதிப் போட்­டியில் பங்­கு­பற்றும் வாய்ப்பை இழந்தார்.

முன்­ன­தாக கடந்த ஏப்ரல் மாதம் அவுஸ்­தி­ரே­லி­யாவில் நடை­பெற்ற பொது­ந­ல­வாய விளை­யாட்டு போட்­டியில் ஆண்­க­ளுக்­கான 100 மீற்றர் ப்ரீ ஸ்டைல் போட்­டியில் மெத்தியூ அபே­சிங்க, புதிய தேசிய சாதனையைப் படைத்­தி­ருந்தார்.

ஆண்­க­ளுக்­கான 200 மீற்றர் நீச்சல் போட்­டி­களின்  2ஆவது தகுதிச் சுற்றில் பங்­கு­பற்­றிய மற்­று­மொரு இலங்கை வீர­ரான கவிந்­திர நுக­வெல, 1:56:01 வினாடிகளில் போட்­டியை நிறை­வு­செய்து முத­லி­டத்தைப் பெற்­றுக்­கொண்டார்.

எனினும், ஒட்­டு­மொத்த நிலையில் 26ஆவது இடத்தைப் பெற்­றுக்­கொண்ட கவிந்­திர நுக­வெ­ல­வுக்கும் இறுதிப் போட்­டிக்கு தெரி­வாகும் வாய்ப்பு கிடைக்­க­வில்லை.