தவறவிடாதீர்கள்..!உடனே பதிவு செய்யுங்கள்

ஐக்கியதேசிய கட்சியின் நாடாளுமன்ற உறுப்பினர் விஜயகலா மகேஸ்வரனிற்கு எதிராக நாடாளுமன்ற நிலையியற் கட்டளைகளின்  கீழ் நடவடிக்கை எடுக்க முடியுமா எனஆராயுமாறு  சட்டமா அதிபர் சபாநாயகருக்கு ஆலோசனை வழங்கியுள்ளார்.

விஜயகலா மகேஸ்வரன் உரையொன்றின் போது வெளியிட்ட கருத்துக்கள் தொடர்பிலேயே அவர் இந்த ஆலோசனையை வழங்கியுள்ளார்.

இது சாத்தியமாகாத பட்சத்தில் நிலையியல் கட்டளைகளில்  மாற்றங்களை மேற்கொள்ள முடியுமா என்பது குறித்து ஆராயுமாறு கேட்டுக்கொண்டுள்ள சட்டமா அதிபர் அது சாத்தியமாகாத பட்சத்தில் என்ன நடவடிக்கை என்பதை சபை தீர்மானித்துக்கொள்வதற்கு அனுமதிக்குமாறு ஆலோசனை வழங்கியுள்ளார்.

சபாநாயகர் விஜயகலா மகேஸ்வரனிற்கு எதிராக எவ்வாறான நடவடிக்கைகளை எடுக்கலாம் என ஆலோசனை கோரியதை தொடர்ந்தே சட்டமா அதிபர் தனது ஆலோசனையை வழங்கியுள்ளார்.

விஜயகலா யாழ்ப்பாணத்தில் விடுதலைப்புலிகளின் மீள் எழுச்சி குறித்து ஆற்றிய உரைக்கு  சிங்கள அரசியல்வாதிகள் கடும் எதிர்ப்பை வெளியிட்டிருந்தமை குறிப்பிடத்தக்கது