'சர்க்கரை நோயால் பாதிக்கப்பட்ட' ரோபோ ரொபின்

சர்க்கரை நோயினால் பாதிக்கப்படுகின்ற சிறுவர்களுக்கு, அந்த நோயின் அறிகுறிகள் பற்றி அறிவூட்டும் முயற்சியாக ரோபோ ஒன்று உருவாக்கப்படுகின்றது.

7 வயது முதல் 12 வயதுக்கு இடைப்பட்ட சிறுவர்களுக்கு உதவக்கூடிய வகையிலான இந்த ரோபோவை பிரிட்டனில் உள்ள ஹெர்ட்ஃபோட்ஷைர் பல்கலைக்கழகத்தைச் சேர்ந்த ஆய்வாளர்கள் உருவாக்குகின்றனர்.

ரோபோக்களை சிறுவர்கள் அதிகம் விரும்புவதால், சர்க்கரை நோயின் அறிகுறிகள் உள்ளதாக உருவாக்கப்பட்டுள்ள இந்த ரோபோவை, எவ்வாறு கவனித்துக் கொள்ள வேண்டும் என சிந்தித்து செயற்படும் சிறுவர்கள், அதுபற்றிய அறிவைப் பெறுவார்கள் என்று ஆய்வாளர்கள் கூறுகின்றனர்.

இதன்மூலம், தமது வாழ்க்கையில் தன்னம்பிக்கையுடன் இயங்க பிள்ளைகள் பழகிக் கொள்வார்கள் என்றும் அவர்கள் தெரிவித்துள்ளனர்.

இது மிகவும் சிறந்த தயாரிப்பு என பிரிட்டனில் சர்க்கரை நோய் தொடர்பான விழிப்புணர்வுக்காக செயற்படும் தொண்டு நிறுவனமான டயபீடிஸ் யு.கே தெரிவித்துள்ளமை குறிப்பிடத்தக்கது.