சட்டவிரோதமான முறையில் ஒரு தொகை மாத்திரைகளை இலங்கையிலிருந்து வெளிநாட்டுக்கு கடத்திச் செல்ல முயன்ற இலங்கை  பிரஜை கட்டுநாயக்க சர்வதேச விமான நிலையத்தில் வைத்து சுங்க அதிகாரிகளால் கைது செய்யப்பட்டுள்ளார்.

இவ்வாறு கைது செய்யப்பட்டவர்  வெள்ளவத்தை பகுதியைச் சேர்ந்த 39 வயதான நபர் என சுங்க அதிகாரிகள் தெரிவித்தனர்.

குறித்த நபரின் நடடிவக்கையில் சந்தேகமடைந்த விமான நிலைய சுங்க அதிகாரிகள் அவரை சோதனையிட்டபோது  சுமார் 120,000  ரூபா பெறுமதியான ஒரு லட்சத்து 20 ஆயிரம் மாத்திரைகளை அவரிடமிருந்து மீட்டுள்ளனர். 

கைது செய்யப்பட்டவரிடம் மேலதிக விசாரணைகள் இடம்பெற்றுவருவதாக விமான நிலைய சுங்க அதிகாரிகள் தெரிவித்தனர்.