கொக்குவில் பகுதியில் இலக்கத் தகடுகள் துணியால் மறைத்துக் கட்டப்பட்ட நிலையில் வீதியில் கைவிடப்பட்டிருந்த மோட்டார் சைக்கிள் ஒன்றை நேற்று யாழ். பொலிஸார் மீட்டுள்ளனர். 

கொக்குவில் ஞான பண்டிதா பாடசாலைக்கு அண்மையில் வீடொன்றுக்குள் புகுந்த 8 பேர் கொண்ட கும்பல், அங்கு ஹஏஸ் வாகனத்துக்கு தீவைத்துவிட்டு அங்கிருந்த பொருள்களைச் சேதப்படுத்திவிட்டு தப்பி சென்றுவிட்டதாக தெரியவந்துள்ளது.

குறித்த வன்முறையை அரங்கேற்றிவிட்டுத் தப்பித்த கும்பலின் மோட்டார் சைக்கிளாக இது இருக்கலாம் என சந்தேகிக்கப்படுகிறது.

வீதியில் விபத்து ஏற்பட்டதும் மோட்டார் சைக்கிளை கைவிட்டுத் தப்பித்திருக்கலாம் என்ற அடிப்படையில் விசாரணைகள் முன்னெடுக்கப்படுகின்றன என பொலிஸார் தெரிவித்தனர்.

குறித்த சம்பவம் தொடர்பாக மேலதிக விசாரணைகளை யாழ்ப்பாண பொலிஸார் மேற்கொண்டு வருகின்றனர்.