மன்னார் நகர நுழைவாயிலில் உள்ள 'லங்கா சதொச' விற்பனை நிலைய வளாகத்தில் மனித எலும்புகள் அகழ்வு பணி இன்று 42 ஆவது நாளாகவும்  முன்னெடுக்கப்பட்டு வருகின்றது.

மன்னார் சதொச பகுதியில் இடம்பெற்று வரும் மனித எலும்புக்கூடுகளின் அகழ்வுப் பணியில் கோமகம பல்கலைக்கழகத்தைச் சேர்ந்த பௌத்த பிக்குகளும் இணைந்து இவ் அகழ்வுப் பணியில்  இன்று  ஈடுபட்டனர்.

மன்னார் மாவட்ட நீதிமன்ற நீதிபதி ரி.ஜே.பிரபாகரன் மேற்பார்வையில் சட்ட வைத்திய அதிகாரி டபிள்யூ.ஆர்.ஏ.எஸ்.ராஐபக்ஷ தலைமையில் இவ் அகழ்வுப் பணியானது தொடர்ந்து வருகிகின்றபோதும்,

இன்றைய பணியானது சட்ட வைத்திய அதிகாரி ராஐபக்ஷ விடுமுறையில் சென்றுள்ளமையால் இவருக்கு பதிலாக குருநாகல் சட்ட வைத்திய அதிகாரி அஜித் திஸநாயக்க தலைமையில் களனி பல்கலைக்கழக பேராசிரியர் ராஜசோம தேவாவின் குழுவினரும் இணைந்து இன்றைய அகழ்வுப் பணி தொடர்ந்தது.

இது வரைக்கும் 32 எலும்புக்கூடுகள் மீட்கப்பட்ட நிலையிலும் குழிக்குள் அடையாளமிடப்பட்டிருக்கும் 52 எலும்புக்கூடுகள் மீட்டெடுக்கும் பணி நிலையிலேயே இவ் பணி இன்றைய தினம் இடம்பெற்றது.

அத்துடன் அடையாளமிடப்பட்டிருந்த இடத்திலும் மனித எச்சங்கள் எலும்புக்கூடுகள் நோக்கி மிகவும் பக்குவமான முறையில் மணல் அகழ்வும் இடம்பெற்றறமை குறிப்பிடத்தக்கது.