தவறவிடாதீர்கள்..!உடனே பதிவு செய்யுங்கள்

ரம்யா நம்பீசன் நடித்துள்ள ‘நட்புன்னா என்னன்னு தெரியுமா’ படத்தை வெளியிட நீதிமன்றம் இடைக்கால தடை விதித்துள்ளது. 

ரம்யா நம்பீசன் ‘நட்புன்னா என்னன்னு தெரியுமா’ என்ற பெயரில் தயாராகி உள்ள படத்தில் கதாநாயகியாக நடித்துள்ளார். கவின் கதாநாயகனாக வருகிறார். ஷிவகுமார் அரவிந்த் தயாரித்துள்ளார். 

குறித்த படம் இம்மாதம் 27ஆம் திகதி திரைக்கு வரும் என்று அறிவிக்கப்பட்டது. இந்த நிலையில் படத்தை எதிர்த்து திரைப்பட வினியோகஸ்தர் மலேசியா பாண்டியன் சென்னை நீதிமன்றத்தில் வழக்கு தொடர்ந்தார். 

அவர் தாக்கல் செய்த மனுவில் கூறியிருப்பதாவது:–

‘‘நட்புன்னா என்னன்னு தெரியுமா” படத்தை வெளிநாடுகளில் வெளியிடும் உரிமையை படத்தின் தயாரிப்பாளர் ரவீந்தரிடம் இருந்து வாங்கினேன். இதற்காக  8 லட்சம் ரூபா அட்வான்ஸ் கொடுத்து ஒப்பந்தம் போட்டேன். அதன்பிறகும் பல கட்டங்களாக பணம் கொடுத்தேன். மொத்தம் 25 லட்சத்து 20 ஆயிரம் வழங்கி இருக்கிறேன். 

ஆனால் திட்டமிட்ட தேதியில் படம் வெளியாகவில்லை. இதனால் எனக்கு நஷ்டம் ஏற்பட்டது. பணத்தை திருப்பி தரும்படி கேட்டேன். இதுகுறித்து தயாரிப்பாளர் சங்கத்திலும் பொலிஸாருக்கு புகார் செய்தேன் .பணத்தை தராமல் படத்தை வெளியிட தடைவிதிக்க வேண்டும்’’

இவ்வாறு மனுவில் கூறியிருந்தார். 

இதைத்தொடர்ந்து ‘நட்புன்னா என்னன்னு தெரியுமா’ படத்தை எதிர்வரும் 30 ஆம் திகதி வரை வெளியிட நீதிமன்றம் இடைக்கால தடை விதித்தது.