தவறவிடாதீர்கள்..!உடனே பதிவு செய்யுங்கள்

வடக்குகிழக்கில் யுத்தம் முடிவடைந்த பின்னர் ஜனநாயகத்தை ஏற்படுத்தும் முயற்சிகளில் முன்னணியில் நின்றவன் நான் என முன்னாள் பாதுகாப்பு செயலாளர் கோத்தபாய ராஜபக்ச தெரிவித்துள்ளார்.

இலங்கையில் இன்று ஜனநாயகம் இழக்கப்பட்டு சர்வாதிகாரமும் இராணுவஆட்சியும் தலைதூக்குமா என்ற விவாதம் எழுந்துள்ளது என அவர் தெரிவித்துள்ளார்.

நாடொன்றை சட்டத்தின் ஆட்சி மூலமே நிர்வகிக்கவேண்டும் என்பதை நான் நன்கு அறிந்துள்ளேன் என அவர் குறிப்பிட்டுள்ளார்.

இந்த நாட்டில் ஜனநாயகம் நிலவவேண்டும் என்பதையும் நான் நன்கு அறிவேன் எனவும் கோத்தபாய குறிப்பிட்டுள்ளார்.

யுத்தத்தின் பின்னர் வடக்குகிழக்கில் ஜனநாயகத்தை ஏற்படுத்துவதற்கான ஒவ்வொரு நடவடிக்கையிலும் முன்னணியில் நின்றவன் நான்,சட்டமொழுங்கை நிலைநாட்டுவது பொருளாதார அபிவிருத்தியை ஏற்படுத்துவது போன்ற அனைத்து நடவடிக்கைகளிற்கும் சரியான தீர்மானங்களை எடுக்க கூடிய தலைமை அவசியம் எனவும் அவர் தெரிவித்துள்ளார்.