கிழக்கு சிரியாவின் டேர் எசர் பகுதியில் இடம்பெற்ற கார் குண்டு தாக்குதலில் 18 பேர் உடல் சிதறி பரிதாபமாக உயிரிழந்தனர். 

சிரியாவில் அதிபர் பஷர் அல் ஆசாத்துக்கு எதிரான ஆயுதப் போராட்டத்தில் ஈடுபட்டுவரும் ஜிஹாதி குழுவினர் நாட்டின் பல பகுதிகளை கையகப்படுத்தி, தங்களது ஆதிக்கத்தின்கீழ் வைத்து நிர்வகித்து வருகின்றனர். 

அத்தோடு ஐ.எஸ். தீவிரவாதிகளும் சில பகுதிகளை கைப்பற்றி தங்களது கட்டுப்பாட்டுக்குள் வைத்துள்ளனர். இந்த குழுக்களையும் கட்டுப்படுத்த அமெரிக்க விமானப் படையின் துணையுடன் அந்நாட்டு முப்படைகளும் தீவிரமாக போரிட்டு வருகின்றன.

இந்நிலையில், கிழக்கு சிரியாவின் டேர் எசர் பகுதியில் உள்ள அல் பெய்ரா நகரத்தில் ஐ.எஸ். தீவிரவாதிகள் நடத்திய கார் குண்டு தாக்குதல் நடத்தினர்.

இந்த தாக்குதலில் அமெரிக்க கூட்டு படைவீரர்கள் 11 பேர் மற்றும் 3 குழந்தைகள் உள்ளிட்ட 7 பொதுமக்களும் உயிரிழந்துள்ளதாக என சிரியாவில் செயற்பட்டு வரும் மனித உரிமைகள் அமைப்பினர் தெரிவித்துள்ளனர்.