தவறவிடாதீர்கள்..!உடனே பதிவு செய்யுங்கள்

(நெவில் அன்தனி)

கந்தளாய், அக்ரபோதி வித்தியாலயத்தில் நடைபெற்றுவரும் அகில இலங்கை பாடசாலைகள் விளையாட்டு விழா பளுதூக்கல் போட்டிகளில் வட மாகாணப் பாடசாலைகளுக்கு 4 தங்கப் பதக்கங்களும் ஒரு வெள்ளிப் பதக்கமும் ஒரு வெண்கலப் பதக்கமும் கிடைத்தன. 

முதலாம் நாளான வெள்ளியன்று 17 வயதுக்குட்பட்ட பெண்களுக்கான பளுதூக்கல் போட்டிகள் நடைபெற்றன.

இதில் பாஷையூர் புனித அந்தோனியார் மகளிர் வித்தியாலயத்துக்கு 3 தங்கப் பதக்கங்களும் ஒரு வெண்கலப் பதக்கமும் கிடைத்தன.

48 கிலோ கிராம் எடைப்பிரிவில் ஏ. திசாலினி ஸ்னெச் முறையில் 42 கிலோ கிராம் எடையையும் க்ளீன் அண்ட் ஜேர்க் முறையில் 50 கிலோ கிராம் எடையையும் தூக்கி மொத்தம் 92 கிலோ கிராம் எடையுடன் தங்கப் பதக்கத்தை சுவீகரித்தார்.

53 கிலோ கிராம் எடைப் பிரிவில் ஏ. ஆன் பியூலா (ஸ். 40 கி.கி., ஜே. 50 கி.கி., மொ. 90 கி.கி.) தங்கப் பதக்கத்தையும், ஜே. ஸ்டெல்லா (ஸ். 35 கி.கி., ஜே. 45 கி.கி., மொ. 80 கி.கி.) வெண்கலப் பதக்கத்தையும் வென்றனர்.

75 கிலோ கிராம் மற்றும் மேற்பட்டதுமான எடைப் பிரிவில் ஜே. சுகன்யா (ஸ். 55 கி.கி., ஜே. 65 கி.கி., மொ. 120 கி.கி.) தங்கப் பதக்கத்தை வென்றார்.

யாழ். இந்து கல்லூரிக்கு ஒரு தங்கப் பதக்கமும் ஒரு வெள்ளிப் பதக்கமும் கிடைத்தன.

63 கிலோ கிராம் எடைப் பிரிவில் ஜே. பஜினா (ஸ். 46 கி.கி., ஜே. 60 கி.கி., மொ. 106 கி.கி.) தங்கப் பதக்கத்தையும் 75 கிலோ கிராம் எடைப் பிரிவில் பி. தரங்கினி (ஸ். 35 கி.கி., ஜே. 45 கி.கி., மொ. 80 கி.கி.) வெள்ளிப் பதக்கத்தையும் வென்றனர்.

யாழ். வேம்படி மகளிர் உயர்தரப் பாடசாலையின் பி. நிலோஜினி (ஸ். 42 கி.கி., 50 கி.கி., மொ. 110 கி.கி.) தங்கப் பதக்கத்தை வென்றார்.