புத்தளம், குருணாகல் பிரதான வீதியின் கல்லடி சந்தியில் இடம்பெற்ற விபத்தில் ஒருவர் உயிரிழந்துள்ளதாக புத்தளம் பொலிஸார் தெரிவித்துள்ளனர்.

இச் சம்பவம் தொடர்பில் மேலும் தெரியவருகையில்,

புத்தளத்திலிருந்து குருணாகல் நோக்கி நேற்றிரவு பயணித்த டிப்பர் வண்டி, மோட்டார் சைக்கிளுடன் மோதிய மேற்படி விபத்து இடம்பெற்றதுள்ளது. இவ் விபத்தின் போது மோட்டார் சைக்கிளில் பயணித்த கல்லடியைச் சேர்ந்த 36 வயதுடைய ஒருவரே உயிரிழந்துள்ளார்.

அத்துடன் இச் சம்பவத்துடன் தொடர்புடைய சந்தேக நபரான டிப்பர் வண்டியின் சாரதி கைதுசெய்யப்பட்டுள்ளதுடன் சம்பவம் தொடர்பாக மேலதிக விசாரணைகளை புத்தளம் பொலிஸார் மேற்கொண்டு வருகின்றனர்.