கல்கிசை பகுதியில் கூரிய ஆயுதத்தால் தாக்கப்பட்டு இளைஞர் ஒருவர் கொலை செய்யப்பட்டுள்ளார்.

 

 குறித்த சம்பவம் நேற்று இரவு 11 மணியளவில் கல்கிசை பகுதியில் உள்ள ஹோட்டல் ஒன்றிற்கு முன்னால் இந்தக் கொலை இடம்பெற்றுள்ளதாக தெரிவிக்கப்படுகின்றது.          

கொலை செய்யப்பட்ட இளைஞர் கல்கிசை தர்மபால மாவத்தையில் வசிக்கும் 29 வயதுடையவர் என இனங்காணப்பட்டுள்ளார்.

வாய்த்தகராரு தீவிரமானதால் இந்தக் கொலை இடம்பெற்றுள்ளதாக பொலிஸாரின் ஆரம்பகட்ட விசாரணைகளில் தெரியவந்துள்ளது. 

கொலைச் சந்தேகநபர்கள் இருவர் அடையாளம் காணப்பட்டுள்ளதுடன், அவர்களை கைது செய்வதற்காக பொலிஸார் விசாரணைகளை ஆரம்பித்துள்ளனர்.