தவறவிடாதீர்கள்..!உடனே பதிவு செய்யுங்கள்

(எம்.எம்.மின்ஹாஜ், ஆர்.யசி)

தமிழ் மொழிமூலமான பாடசாலைகளில் நிலவும் ஆசிரியர் பற்றாகுறையை நிவர்த்தி செய்வதற்காக ஒய்வுப்பெற்ற ஆசிரியர்களை மீண்டும் சேவையில் இணைத்துக் கொள்ளவுள்ளதாக கல்வி அமைச்சர் அகில விராஜ் காரியவசம் தெரிவித்தார்.

பாராளுமன்றத்தில் இன்று வாய்மூல விடைக்கான வினா நேரத்தின் போது ஐ.தே.க.வின் இரத்தினபுரி மாவட்ட பாராளுமன்ற உறுப்பினர் ஹேசான் விதானகே ஆசிரியர் வெற்றிடம் தொடர்பாக எழுப்பிய கேள்விக்கு பதிலளிக்கும் போதே அவர் மேற்கண்டவாறு தெரிவித்தார்.

அவர் மேலும் தெரிவிக்கையில்,

இரத்தினபுரி மாவட்டத்தில் மாத்திரமின்றி நாடளாவிய ரீதியில் தமிழ் பாடசாலைகளில் ஆசிரியர் பற்றாகுறை நிலவுகின்றது. பொதுவாக வடக்கு கிழக்கு பகுதிகளை சேர்ந்தவர்களே அதிகளவில் ஆசிரிய சேவையில் ஈடுப்பட்டு வருகின்றனர். ஏனைய பகுதிகளில் பெரும் சிக்கல் நிலை ஏற்பட்டுள்ளது. இதன் காரணமாக தமிழ் பாடசாலைகளில் ஆசிரியர் பற்றாகுறையை நிவர்த்தி செய்வதற்காக ஒய்வு பெற்றுள்ள ஆசிரியர்களை மீண்டும் சேவையில் இணைத்துக் கொள்ள நாம் திட்டமிட்டுள்ளோம். 

மேலும் உயர்தர பரீட்சையில் சித்தியடைந்தோரையும் நாம் சேவையில் இணைத்துக்கொள்வதற்கான ஏற்பாடுகளை முன்னெடுத்து வருகின்றோம். அதனை தவிர வேறு வழியில்லை என்றார்.