தவறவிடாதீர்கள்..!உடனே பதிவு செய்யுங்கள்

ரஸ்யாவின் செஞ்சதுக்கத்திற்கு அருகில் வாகனமொன்று வீதியை விட்டு விலகி பொதுமக்கள்மீது மோதிய சம்பவம் இடம்பெற்றுள்ளது.

ரஸ்யாவில் 2018 உலககிண்ண கால்பந்தாட்ட போட்டிகள் இடம்பெறும் வேளை இடம்பெற்ற சம்பவம் சிறிய பரபரப்பை ஏற்படுத்தியுள்ளது.

மொஸ்கோவின் மத்திய பகுதியில் இந்த சம்பவம் இடம்பெற்றுள்ளது.

டாக்சியொன்று வீதியை விட்டு விலகி பாதசாரிகள் காணப்பட்ட பகுதிக்குள் நுழைந்து பொதுமக்கள் மீது மோதியதில் கால்பந்தாட்டப்போட்டிகளை பார்வையிட வந்த இரசிகர்கள் உட்பட 8 பேர் காயமடைந்துள்ளனர்.

வாகனத்திலிருந்து வெளியேறி தப்பியோட முயன்ற சாரதி கைதுசெய்யப்பட்டுள்ளார், அவர் கிர்கிஸ்தானை சேர்ந்தவர் என அதிகாரிகள் தெரிவித்துள்ளனர்.குறிப்பிட்ட நபர் வாகனத்தின் கட்டுப்பாட்டை இழந்திருக்கலாம் என அதிகாரிகள் தெரிவித்துள்ளனர்.

இதேவேளை சம்பவம் தற்செயலானது போல தோன்றவில்லை என அந்த பகுதியில் காணப்பட்ட ஒருவர் சர்வதேச ஊடகமொன்றிற்கு தெரிவித்துள்ளார்.

அந்த நபர் வாகனநெரிசலில் சிக்குப்பட்டிருப்பதை பார்த்தேன் வாகனங்கள் மெதுவாக நகர்ந்துகொண்டிருந்த அவ்வாறான நிலையில் அவர் எப்படி வாகனத்தின் கட்டு;ப்பாட்டை இழக்க முடியும் என சம்பவம் இடம்பெற்ற இடத்தில் காணப்பட்ட ஒருவர் கேள்வி எழுப்பியுள்ளார்