இலங்கைக் கால்­பந்­தாட்ட சம்­மே­ளனம் நடத்தும் கார்கில்ஸ் புட் சிட்டி எவ்.ஏ. கிண்ணம் 509 அணி­களைக் கொண்டு நாளை ஆரம்­ப­மா­க­வுள்­ளது.

2015 ஆம் ஆண்­டுக்­கான எவ்.ஏ. கிண்­ணத்தில் மொத்தம் 509 கழக அணிகள் கலந்­து­கொள்­கின்­றன. இதில் மொத்தம் 508 போட்­டிகள் நடை­பெ­ற­வி­ருக்­கின்­றன. நாளை சனிக்­கி­ழமை 21ஆம் திகதி ஆரம்­ப­மாகும் கார்கில்ஸ் புட்­சிட்டி எவ்.ஏ. கிண்ணம் அடுத்த ஆண்டு மார்ச் மாதம் வரை நடை­பெ­ற­வுள்­ளது.


கால்­பந்­தாட்ட சம்­மே­ளனம் நடத்தும் இவ் எவ்.ஏ. கிண்ணத் தொட­ருக்கு மூன்­றா­வது தட­வையாக கார்கில்ஸ் புட்­சிட்டி நிறு­வனம் முழு அனு­ச­ர­ணையை வழங்­கு­கின்­றது.


எவ்.ஏ.கிண்ணத் தொடரின் ஆரம்ப நிகழ்வு நேற்­று­முன்­தினம் இலங்கைக் கால்­பந்து சம்­மே­ளனத்தின் கேட்போர் கூடத்தில் நடை­பெற்­றது. இந்­நி­கழ்வில் கார்­கில்ஸ் புட்சிட்டி நிறு­வ­னத்தின் பிர­தம நிறை­வேற்று அதி­காரி மற்றும் அந்­நி­று­வன அதி­காரிகள், இலங்கை கால்­பந்­தாட்ட சம்­மே­ள­னத்தின் தலைவர் அனுர டி சில்வா, சம்­மே­ள­னத்தின் அதி­கா­ரிகள் ஆகியோர் கலந்­து­கொண்­டனர்.


2014ஆம் ஆண்டு நடை­பெற்ற எவ்.ஏ. கிண்ணத் தொடரில் மொத்தம் 629 அணிகள் கலந்­து­கொண்­டன. இதில் கொலம்போ எவ்.சி. கழகம் சம்­பி­ய­னாக தெரி­வா­னது. இரண்டாம் இடத்தை புளூ ஸ்டார் கழகம் பெற்­றது.


2015ஆம் ஆண்­டுக்­கான எவ்.ஏ. கிண்ணத் தொடரில் இலங்கை முழு­வதும் உள்ள கழக அணிகள் பங்­கு­பற்­று­கின்­றன. இதில் மது மாந்தை பிர­தேச கழக அணி முதல் தட­வை­யாக எவ்.ஏ.கிண்­ணத்தில் கலந்­து­கொள்­கின்­றமை குறிப்­பி­டத்­தக்­கது.


அதேபோல் யாழ்ப்­பாணம், கிளி­நொச்சி, கிண்­ணியா, மன்னார், முல்­லைத்­தீவு, மூதூர், பருத்­தித்­துறை, திரு­கோ­ண­மலை, வலி­காமம், வட­ம­ராட்சி, வவு­னியா என்று வடக்கு மற்றும் கிழக்கு பிரதேசங்களின் கழக அணிகளோடு முழு இலங்கையையும் உள்ளடக்கி எவ்.ஏ.கிண்ணம் நடத்தப்படுகின்றமை விசேட அம்சமாகும்.