தவறவிடாதீர்கள்..!உடனே பதிவு செய்யுங்கள்

(இரோஷா வேலு) 

ஹெரோயின் போதைப்பொருளுடன் நேற்று பொரள்ளை பிரதேசத்தில் வைத்து கொழும்பு குற்றத்தடுப்பு பிரிவு பொலிஸாரால் பெண்ணொருவர் கைதுசெய்யப்பட்டுள்ளதாக பொலிஸார் தெரிவிக்கின்றனர். 

இது குறித்து மேலும் தெரிவிக்கப்பட்டுள்ளதாவது, 

பொரள்ளை பொலிஸ் பிரிவுக்குட்பட்ட சிறிசர உயன பிரதேசத்தில் வைத்து ஹெரோயின் போதைப்பொருளுடன் பெண்ணொருவர் நேற்றுமுன்தினம் மதிய வேளையில் கொழும்பு குற்றத்தடுப்பு பிரிவு பொலிஸாரால் கைதுசெய்யப்பட்டுள்ளார். 

இச்சம்பவத்தில் சிறிசர உயன பிரதேசத்தைச் சேர்ந்த 39 வயதுடைய பெண்ணொருவரே இவ்வாறு கைதுசெய்யப்பட்டுள்ளார். இவரை கைதுசெய்யும் வேளையில் அவரிடமிருந்து 4 கிராம் 120 மில்லிகிராம் ஹெரோயின் போதைப்பொருள் கைப்பற்றப்பட்டுள்ளது. 

இந்நிலையில் குறித்த சந்தேகநபரை கைதுசெய்த பொலிஸார் அவரை நேற்று மாளிகாகந்த நீதவான் நீதிமன்றத்தில் ஆஜர்படுத்த நடவடிக்கை மேற்கொண்டிருந்தனர்.

இச்சம்பவம் தொடர்பான மேலதிக விசாரணைகளை கொழும்பு குற்றத்தடுப்பு பிரிவு பொலிஸார் மேற்கொண்டுவருகின்றனர்.