(எம்.ஆர்.எம்.வஸீம்)
வடக்கு முதலமைச்சர் சி.வி. விக்கினேஸ்வரன் அரசியல் வங்குரோத்து நிலையை அடைந்துவருகின்றார். அதில் இருந்து மீள்வதற்கே இனவாதத்தை தூண்டும்வகையிலான பிரசாரங்களை மேற்கொள்கிறார் என அமைச்சரும் அமைச்சரவை இணைப்பேச்சாளருமான ராஜித சேனாரத்ன தெரிவித்தார்.
அமைச்சரவை தீர்மானங்களை அறிவிக்கும் செய்தியாளர் சந்திப்பு நேற்று அரசாங்க தகவல் திணைக்களத்தில் இடம்பெற்றது. இதில் ஊடகவியலாளர் ஒருவரினால் கேட்கப்பட்ட கேள்வியொன்றுக்கு பதிலளிக்கையிலேயே அமைச்சரவை பேச்சாளர் இவ்வாறு குறிப்பிட்டார்.
அவர் அங்கு தொடர்ந்து கூறுகையில்,
வடமாகாண முதலமைச்சரின் பேச்சு அரசாங்கத்தின் கொள்கைக்கு மாத்திரமல்ல தமிழ் தேசிய கூட்டமைப்பின் கொள்கைக்கும் விரோதமானதாகும்.
அரசியல் வங்குரோத்து நிலையை அடையும் அனைத்து அரசியல்வாதிகளும் இறுதியாக மத, இனவாதத்தையே தூக்கிப்பிடிப்பார்கள். அவ்வாறே சீ.வி. விக்கினேஸ்வரனும் தற்போது இனவாதத்தை தூண்டும்வகையில் பிரசாரங்களை நடத்திவருகின்றார். இந்தியாவில் இந்த நிலை இல்லை. அங்கு அனைத்து இனங்களுக்கும் சம அந்தஸ்து வழங்க நேரு பிரதமராக இருக்கும் போதே பிரசாரம்செய்து வந்தார், எமது நாட்டில் அது இடம்பெறவில்லை.
கேள்வி விக்கினேஸ்வரன், சிவாஜிலிங்கம் ஆகியோரின் பேச்சுக்கள் வடக்கில் இளைஞர்களை மீண்டும் யுத்தத்துக்கு தூண்டும்வகையில் இருக்கின்றனவே?
பதில் இவர்கள் என்னதான் தெரிவித்தாலும் பயங்கரவாதம் தற்போது முடிவடைந்துள்ளது.
கேள்வி இவர்களின் வாயை அடைக்க அரசாங்கத்துக்கு முடியாதா?
பதில் வாய்களை அடைத்து இதனை தடுக்க முடியுமாக இருந்தால் இன்னும் பலரது வாய்களை அடைக்கவேண்டும். அதற்காகத்தான் இனவாத்தை தூண்டுபவர்களுக்கு எதிரான சட்டமூலத்தை நாங்கள் கொண்டுவர முயற்சித்தோம். ஆனால் அதனை கொண்டுவர இடமளிக்கவில்லை. இன,மதவாங்களை தூண்டுவதை தடுப்பதாக இருந்தால் அந்த சட்டமூலத்தை கொண்டுவரவேண்டும் என்றார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM