(எம்.சி.நஜிமுதீன்)
ஐக்கிய தேசியக் கட்சிக்கு சபாநாயகர் பதவியும் ஸ்ரீலங்கா சுதந்திரக் கட்சிக்கு பிரதி சபாநாயகர் பதவியையும் பகிர்ந்துகொள்வதாக ஏற்கனவே உடன்பாடு எட்டப்பட்டிருந்தது. எனினும் பிரதி சபாநாயகர் பதவியையும் ஐ.தே.க. தற்போது பெற்றுள்து. எனவே அக்கட்சி பிரதான உடன்பாட்டினை மீறியுள்ளமையினால் சு.க. உடனடியாக அரசாங்கத்திலிருந்து வெளியேற வேண்டும் என மஹிந்த யாப்பா அபேவர்த்தன தெரிவித்தார்.
கூட்டு எதிர்க்கட்சி ஏற்பாடு செய்த ஊடகவியலாளர் சந்திப்பு பொரளை என்.எம்.பெரேரா நிலையத்தில் இன்று நடைபெற்றது. இந் நிகழ்வில் கலந்துகொண்டு கருத்து வெளியிடுகயைிலேய அவர் மேற்கண்டவாறு கூறினார்,
அவர் மேலும் தெரிவிக்கையில்,
தமிழ் தேசியக் கூட்டமைப்புக்கும் ஐக்கிய தேசியக் கட்சிக்குமிடையில் உடன்பாடொன்றுள்ளது. ஐக்கிய தேசியக் கட்சியின் சகல நடவடிக்கைகளுக்கும் தமிழ்த் தேசியக் கூட்டமைப்பு ஒத்துழைப்பு வழங்குவதும் வடக்கில் வேறு எந்தவொரு தமிழ்த் தலைவர்களையும் வளர விடாது தடுப்பதுமே அந்த உடன்பாடாகும்.
அதனால்தான் ஸ்ரீலங்கா சுதந்திரக் கட்சியின் யாழ். மாவட்ட பாராளுமன்ற உறுப்பினர் அங்கஜன் இராமநாதனை பிரதி சபாநாயகராக முன்மொழிவதற்கு ஆயத்தமானபோது தமிழ்த் தேசியக் கூட்டமைப்பு அதற்கு கடுமையான எதிர்ப்பினைத் தெரிவித்தது. பாராளுமன்ற உறுப்பினர் டக்ளஸ் தேவானந்தா, வடக்கு முதலமைச்சர் சி.வி.விக்னேஸ்வரன் ஆகியோர்களுக்கு தமிழ்த் தேசியக் கூட்டமைப்புக்கு எதிர்ப்புத் தெரிவிப்பதும் இக்காரணத்தை அடிப்படையாக கொண்டே.
மேலும் அரசாங்கத்தில் தற்போதைக்கு அங்கம் வகிக்கும் ஸ்ரீங்கா சுதந்திரக் கட்சி உறுப்பினர்கள் அடுத்துவரும் தேர்தலில் ஐக்கிய தேசியக் கட்சியில் போட்டியிடுவதற்கு எதிர்பார்த்துக் கொண்டிருக்கின்றனர். எனவே அவர்களை நாம் ஸ்ரீலங்கா சுதந்திரக் கட்சி உறுப்பினர்கள் எனக் கருதப்போவதில்லை.
பிணைமுறி விவகாரத்துடன் தொடர்புடைய 118 பேர்கள் அடங்கிய பட்டியல் பற்றிப் பேசுகின்றனர். அவ்வாறான பட்டியல் எங்குள்ளது?, நல்லாட்சி அரசாங்கம் ஈட்டிய பெரும் வெற்றியாக தகவலறியும் சட்டம் பற்றி பேசினர். எனினும் அது சட்டமாக உள்ளதா என ஆய்வுசெய்து பார்க்க வேண்டும் என்றார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM