அண்டவெளியில் காணப்படும் சூரிய குடும்பத்துக்கு வெளியே கண்டுபிடிக்கப்பட்ட புதிய கிரகம் ஒன்றில் தண்ணீர் மற்றும் அதிக அளவிலான உலோகங்கள் காணப்படுவதை விஞ்ஞானிகள் கண்டுபிடித்துள்ளனர்.

இங்கிலாந்தின் கேம்பிரிட்ஜ் பல்கலைக்கழகம் மற்றும் ஸ்பெயினின் ஆஸ்ட்ரோ பிஸ்கா கனாரியஸ் நிறுவனத்தை சேர்ந்த விஞ்ஞானிகள் அதிநவீன தொழில்நுட்பத்துடன் கூடிய தொலைநோக்கி மூலம் விண்வெளியில் ஆய்வு மேற்கொண்டுள்ளனர்.

அதன்போது சூரிய குடும்பத்துக்கு வெளியே ‘வாஸ்ப்-127பி’ என்ற புதிய கிரகம் இருப்பதை கண்டு பிடித்தனர். அது ராட்சத அளவிலான வாயுக்கள் அடங்கிய கிரகமாகும். ஜூபிடர் கிரகத்தை விட 1.4 மடங்கு அகலம் கொண்டதாக காணப்படுகின்றது. 

இந்த கிரகத்தில் அதிக அளவிலான உலோகங்கள் காணப்படுவதாகவும்  தற்போது வரை சோடியம், பொட்டாசியம், லித்தியம் போன்றவை கண்டுபிடிக்கப்பட்டுள்ளன. மேலும் இங்கு தண்ணீர் இருப்பதும் தெரிய வந்துள்ளது.