பஸ்ஸில் பய­ணித்­துக்­கொண்­டி­ருந்த பல்லைக்­க­ழக மாணவன்ஒரு­வரின் கை துண்டிக்­கப்­பட்டு வீதியில் வீசப்­பட்ட சம்­பவமொன்று நேற்று பெல்­ம­து­ளையில்  இடம்­பெற்­றுள்­ளது.

பெல்­ம­துளை–சன்­னஸ்­கம, கிரிவெல்தெனிய சந்­தியில் இடம் பெற்ற இச் சம்பவத்தில் சப்­ர­க­முவ பல்­க­லைக்­க­ழக மாணவன் ஒரு­வரின் கையே இவ்வாறு துண்டிக்கப்­பட்டு வீசப்­பட்­டுள்­ளது.

வீதியில் வீசப்­பட்ட கையுடன் பல்­க­லைக்கழக மாணவன் இரத்­தி­ன­புரி அரச வைத்தியசா­லையில் அனு­ம­திக்­கப்­பட்டு ஆரம்ப சிகிச்சை நடத்­தப்­பட்ட பின் அவ­ச­ர­மாக கொழும்பு தேசிய வைத்­தி­ய­சா­லையில் அவ­சர சத்­திரசிகிச்சைப் பிரிவில் அனு­ம­திக்­கப்­பட்டுள்ளதாக வைத்­தி­ய­சாலை வட்­டா­ரங்கள் தெரிவித்தன.பஸ்ஸின் பின் வரி­சையில் வலது பக்­கமாகவுள்ள கண்­ணாடி ஜன்னலுக்கு வெளியில் வலது கை முழங்­கையை வெளியில் நீட்டிய­வாறு வைத்து பய­ணித்துக் கொண்டிருந்த போது எதிரே வந்த டிப்பர் லொறியில் கை மோதி­யதிலேயே இவ­ரது கை துண்டாக்­கப்­பட்டு வீதியில் வீசப்பட்டுள்ளதாக பெல்மதுளை பொலிஸார் தெரிவித்தனர். லொறியின் சாரதி கைது செய்யப்பட்டுள்ளார்.