தவறவிடாதீர்கள்..!உடனே பதிவு செய்யுங்கள்

(என்.ஜி.இராதகிருஷ்ணன்)

இலங்கையரான  ஜொஹான்  பீரிஸ் எவரெஸ்ட் சிகரத்தை  சென்று அடைந்துள்ளதாக நேபாள தகவல்கள்  தெரிவிக்கின்றன. 

நேபாள நேரப்படி அதிகாலை  5.55 மணிக்கு  இலங்கையரான  ஜொஹான் பீரிஸ்  எவரெஸ்ட்  சிகரத்தை  எட்டியதாகக்  கூறப்படுகிறது.

ஜொஹான் பீரிஸின்  எவரெஸ்ட் ஏறும் முதல் முயற்சி  வெற்றியளிக்கவில்லை.  ஆனாலும்  இவரது  இரண்டாவது முயற்சி  வெற்றிகரமாக  முடிந்துள்ளது.  அத்துடன்  நேபாள  எவரெஸ்ட் சிகரத்தை எட்டிய   இரண்டாவது இலங்கையர் என்ற  பெருமையையும் ஜொஹான் பீரிஸ் பெற்றுள்ளார்.

இலங்கையரான ஜொஹான் பீரிஸ்  இரண்டு அமெரிக்கர்கள், ஒரு  தென்னாபிரிக்க  பிரஜை,  ஒரு கனடா  பிரஜை  உட்பட  13 பேர் கொண்ட  குழு  எவரெஸ்ட்  சிகரத்தை  எட்டியுள்ளதாக  கூறப்படுகிறது.

எவரெஸ்ட்  சிகரத்தை  எட்டிய  இலங்கையரான  ஜொஹான் பீரிஸ்  தற்போது  தரை தளத்தில் உள்ள  முகாம் நோக்கி  இறங்கிக்கொண்டு  இருப்பதாக  தெரியவருகிறது.

உலகிலேயே  அதி உயரமான  மலையான  எவரெஸ்ட்  சிகரம்  8848 மீற்றர்  உயரம்  கொண்டதாகும்.

எவரெஸ்ட்  சிகரம் நேபாள  சீன எல்லையில் உள்ளமை குறிப்பிடத்தக்கது.