மேற்கிந்தியத் தீவுகள் அணியுடன் இலங்கை அணி மோதவிருந்த 3 போட்டிகள் கொண்ட டெஸ்ட் தொடரானது இரண்டு போட்டிகளாக குறைக்கப்படக்கூடும் என்று தெரிவிக்கப்படுகிறது.
அதேவேளை கடைசி டெஸ்ட் போட்டிக்கு பதிலாக 3 ஒருநாள் போட்டிகளில் விளையோடுவோம் என்று மேற்கிந்தியத் தீவுகள் கிரிக்கெட் சபை இலங்கைக் கிரிக்கெட் நிறுவனத்திடம் வலியுறுத்தியுள்ளது.
மேற்கிந்தியத் தீவுகள் கிரிக்கெட் சபை தற்போது கடும் நிதி நெருக்கடியில் சிக்கி திக்குமுக்காடிக்கொண்டிருப்பதுதான் இந்தப் போட்டி குறைப்புக்கான காரணம் என்றும் தெரிவிக்கப்படுகிறது.
எதிர்வரும் ஜூன் மாதம் இலங்கை அணி மேற்கிந்தியத் தீவுகளுக்கு சுற்றுப்பயணம் மேற்கொண்டு 3 போட்டிகள் கொண்ட டெஸ்ட் தொடரில் மோதவிருந்தது.
இந்தத் தொடருக்கான 17 பேர் கொண்ட இலங்கை அணியும் அறிவிக்கப்பட்டுள்ள நிலையில், தற்போது 3 போட்டிகளை இரண்டாக குறைத்து அதற்கு பதிலாக 3 ஒருநாள் போட்டிகளில் விளையாடுவோம் என்ற புதிய அட்டவணையை முன்வைத்திருக்கிறதாம் மேற்கிந்தியத் தீவுகள் சபை. இது குறித்து நாம் இலங்கைக் கிரிக்கெட் நிறுவனத்தின் உபதலைவரும், சர்வதேச தொடர்களைக் கையாளும் அதிகாரியான கே.மதிவாணனிடம் தொடர்பு கொண்டு கேட்டபோது,
மேற்கிந்தியத் தீவுகள் சபைக்கு ஏற்பட்டுள்ள நிதி நெருக்கடி காரணமாக ஒரு டெஸ்ட் போட்டியை குறைத்து 3 ஒருநாள் போட்டிகளில் ஆடுவது குறித்து எம்மிடம் ஆலோசனை கேட்டிருந்தனர்.
ஆனால் அது இன்னும் முடிவாகவில்லை. அநேகமாக அந்த போட்டி அட்டவணையில் நாம் விளையாடக்கூடும் என்றும் அவர் தெரிவித்தார்.
அதேவேளை ஒருநாள் போட்டிக்கான இலங்கை அணியும் எம்மிடம் தயாராகவே இருப்பதால் இதில் எந்த சிக்கலும் எமக்கில்லை என்றும் மதிவாணன் குறிப்பிட்டார்.
வெறுமனே 3 டெஸ்ட் போட்டிகளில் மட்டும் விளையாடுவதைவிட 3 ஒருநாள் போட்டிகளிலும் ஆடுவது பார்வையாளர்களுக்கு உற்சாகமாக இருக்கும் என்பது குறிப்பிடத்தக்கது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM