பதுளை - ஹாலிஎல பொலிஸ் பிரிவுக்குட்பட்ட வெலிமடை - பதுளை பிரதான வீதியில் வேன் ஒன்று 80 அடி பள்ளத்தில் வீழ்ந்து விபத்துக்குள்ளாகியதில் மூவர் காயமடைந்துள்ளனர்.

இச் சம்பவம் இன்று அதிகாலை 3 மணியளவில் இடம்பெற்றுள்ளது.

விபத்தில் காயமடைந்த மூவரும் பதுளை மாவட்ட வைத்தியசாலையில் கிசிச்சைக்காக அனுமதிக்கப்பட்டுள்ளதாக பொலிஸார் தெரிவித்தனர்.

விபத்து குறித்து மேலும் தெரிய வருவதாவது,

கொழும்பிலிருந்து மரண சடங்கு வீடு ஒன்றுக்கு சென்று கொண்டிருந்த வேன் நுவரெலியா - வெலிமடை வழியாக சென்று கொண்டிருக்கும் போதே  இவ்வாறு விபத்துக்குள்ளாகியுள்ளது.

இவ்விபத்தில் காயமடைந்தவர்கள் பதுளை மாவட்ட வைத்தியசாலையில் அனுமதிக்கப்பட்ட நிலையில் தொடர்ந்தும் சிகிச்சை பெற்று வருகின்றனர்.

இச் சம்பவம் தொடர்பாக மேலதிக விசாரணைகளை பொலிஸார் மேற்கொண்டு வருகின்றனர்.