தவறவிடாதீர்கள்..!உடனே பதிவு செய்யுங்கள்

வடக்கு மாகாண பாடசாலைகளுக்கு இடையிலான எல்லே போட்டிகளில் ஆண்கள் பிரிவில் யாழ். புனித பத்திரிசியார் கல்லூரியும் பெண்கள் பிரிவில் உரும்பிராய் சைவ தமிழ் வித்தியாலயமும் சம்பியனாகின. 

யாழ் புனித பத்திரிசியார் கல்லூரி மைதானத்தில் நேற்று நடைபெற்ற. ஆண்களுக்கான இறுதிப் போட்டியில் முதலில் துடுப்பெடுத்தாடிய யாழ் சென் பற்றிக்ஸ் கல்லூரி அணி நிர்ணயிக்கப்பட்ட 40 பந்துகளில் 14 விக்கெட்டுக்களை இழந்து 13 ஓட்டங்களைப் பெற்றது. கியூமன் (8), மொனிக் (2), டெனிசன் (1), அஜந்தன் (1), பெனான்ஸன் (1) அகியோர் ஓட்டங்களைப் பெற்றனர்.

பதிலுக்கு துடுப்பெடுத்தாடிய வரணி மகா வித்தியாலய அணி எதிரணியின் சிறப்பான களத்தடுப்பால் 45 பந்துகளில் வெற்றி 6 ஓட்டங்களை மாத்திரமே பெற்றது. கனுசாந் (2), மதுசன் (1), அர்ச்சிகன் (1), அதீஸ் (1) ஆகியோர் ஓட்டங்களைப் பெற்றனர். சிறந்த எல்லே வீரராக புனித பத்திரிசியார் கல்லூரியின் கியூமன் தெரிவு செய்யப்பட்டார். 

மூன்றாம் இடத்தை வவுனியா புதுக்குளம் மகா வித்தியாலயம் பெற்றது.

பெண்கள் பிரிவு

பெண்களுக்கான இறுதிப் போட்டியில் முதலில் துடுப்பெடுத்தாடிய பருத்தித்துறை மெதடிஸ்த பெண்கள் உயர்தர பாடசாலை அணி நிர்ணயிக்கப்பட்ட 40 பந்துகளில் சகல விக்கெட்களையும் இழந்து 4 ஓட்டங்களைப் பெற்றது. அவ்வணி சார்பில் சுவர்ணசீலி 2 ஓட்டங்களையும், மனிசா, தயாலசீலி ஆகியோர் தலா ஒரு ஓட்டத்தையும் பெற்றனர்.

பதிலுக்கு துடுப்பெடுத்தாடிய உரும்பிராய் சைவ தமிழ் வித்தியாலய அணி 18 பந்துகளில் 4 விக்கெட்களை இழந்து 5 ஓட்டங்களைப் பெற்று வெற்றியீட்டியது. கீர்த்திகா 2 ஓட்டங்களையும், விதுசாளனி, நிரோஜினி, டர்சி ஆகியோர் தலா ஒரு ஓட்டத்தையும் பெற்றனர். 

சாவகச்சேரி மகளிர் கல்லூரி அணி மூன்றாம் இடத்தைப் பெற்றது.