(ரி.விரூஷன்)

இலங்கையில் இடம்பெற்ற போர்க் குற்றங்கள் தொடர்பான விசாரணையில் சர்வதேச நாடுகளில் தலையீடுகள் அவசியமில்லை என அமைச்சர் மணோ கணேசன் தெரிவித்துள்ள கருத்தானது சிங்கள பெளத்த அரசங்கத்தின் மீது அவர் கொண்டுள்ள அடிமை விசுவாசத்தையே வெளிப்படுத்துகின்றது என வட மாகாண சபை உறுப்பினர் சிவாஜிங்கம் தெரிவித்தார்.

யாழ்ப்பாணத்தில் இன்று இடம்பெற்ற பத்திரிகையாளர்களுடனான சந்திப்பில் கலந்து கொண்டு கருத்து வெளியிடுகையிலேயே அவர் மேற்கண்டவாறு தெரிவித்தார்.

அமெரிக்காவின் பல இரகசிய அறிக்கைகள் உட்பட பல தகவல்களை விக்லீஸ் வெளியிட்டிருந்த நிலையில்,  அதில் இலங்கைக்கான முன்னாள்  அமெரிக்க  தூதுவர் இலங்கை தொடர்பாக அனுப்பிய அறிக்கையிலே, அமைச்சர் மனோகணேசன் போர்க்குற்ற விசாரணை அவசியமில்லை என கூறியிருந்தமையை அவர் குறிப்பிட்டிருந்தார்.

இவ்வாறான நிலையில் தற்போதும் அவர் தாம் அங்கம் வகிக்கக் கூடிய பௌத்த சிங்கள அரசாங்கத்தை காப்பாற்றுவதற்காக அவர் கூறிய கருத்தானது வேதனையளிப்பதுடன் சிங்கள பௌத்த அரசாங்கத்தின் மீதான அவரது அடிமை விசுவாசத்தை வெளிப்படுத்தி நிற்கின்றது என்றார்.