இராணுவ நினைவுத் தூபி நாளை ஜனாதிபதியால் திறந்து வைக்கப்படும்!

Published By: Daya

10 May, 2018 | 04:20 PM
image

குருணாகலை - பதுளை வீதி அபிவிருத்தி நடவடிக்கையின்போது அகற்றப்பட்ட குருணாகலை இராணுவ நினைவுத் தூபிக்கு பதிலாக நிர்மாணிக்கப்பட்டுள்ள புதிய நினைவுத்தூபியை ஜனாதிபதி மைத்ரிபால சிறிசேன  நாளை திறந்து வைக்கவுள்ளார். 

வடமேல் மாகாண சபை, வீதி அபிவிருத்தி அதிகார சபை மற்றும் ரணவிரு சேவா அதிகார சபை ஆகியவற்றின் நெறிப்படுத்தலில் பழைய நினைவுத்தூபி காணப்பட்ட இடத்திலேயே நிர்மாணிக்கப்பட்டுள்ள புதிய நினைவுத்தூபியின் நிர்மாணப்பணிகள் இலங்கை இராணுவத்தின்பொறியியல் படையினரால் மேற்கொள்ளப்பட்டுள்ளது.

இராணுவத்தினரின் அபிமானத்தை பேணிப் பாதுகாக்கும் வகையில் முன்னர் காணப்பட்ட நினைவுத்தூபியிலும் பார்க்க சிறப்பான முறையில் வடமேல் மாகாணத்தில் உயிர்த் தியாகம்செய்த சகல இராணுவத்தினரினதும் விபரங்களை உள்ளடக்கியதாக நிர்மாணிக்கப்பட்டுள்ள இந்த புதிய நினைவுத்தூபிக்கான மொத்த செலவு 27 மில்லியன் ரூபாவாகும்.

வீதி அபிவிருத்தி நடவடிக்கைகளுக்காக காணியை பெற்றுக்கொள்ளும் நோக்கில் தற்காலிகமாக இராணுவ நினைவுத்தூபி அகற்றப்பட்டிருந்தது. 

அரசாங்கம் இராணுவத்தினரை மறந்து அவர்களது நினைவுத்தூபிகளை அகற்ற ஆரம்பித்துள்ளதென்று கூறி, இச்சம்பவத்திற்கு எதிர்ப்பு தெரிவித்து அப்பிரதேசத்தில் போராட்டங்களும் இடம்பெற்றது.

2016 ஓகஸ்ட் 31ஆம் திகதி வைபவம் ஒன்றில் கலந்துகொள்வதற்காக குருணாகலைக்கு வருகை தந்த ஜனாதிபதி  பாதை புனரமைப்பு நடவடிக்கைகள் நிறைவடைந்ததன் பின்னர் உடனடியாகவே நினைவுத்தூபி அவ்விடத்தில் மீண்டும் நிர்மாணிக்கப்படுமென வாக்குறுதி அளித்திருந்தார்.

அதற்கமைய புதிய நினைவுத்தூபியின் நிர்மாணப்பணிக்கு 2016 நவம்பர் 30ஆம் திகதி அடிக்கல் நாட்டப்பட்டது.

இம்மாதத்தில் இடம்பெறும் தேசிய இராணுவ நினைவு மாதத்துடன் இணைந்ததாக நாளை 11ஆம் திகதி புதிய இராணுவ நினைவுத்தூபியை ஜனாதிபதி திறந்து வைக்கவுள்ளார்.

முக்கிய செய்திகள்

icon-left
icon-right

தொடர்பான செய்திகள்

news-image

நன்னடத்தை பாடசாலை மேற்பார்வையாளர் பெண்ணிற்கு மீண்டும்...

2024-03-28 16:58:06
news-image

பாராளுமன்றம் ஏப்ரல் 01ஆம் திகதி மற்றும்...

2024-03-28 16:28:48
news-image

பெருந்தோட்ட கம்பனிகள் சமர்ப்பித்த முன்மொழிவை நிராகரித்த...

2024-03-28 16:19:07
news-image

கெஹெலிய ரம்புக்வெல்லவிற்கு மீண்டும் விளக்கமறியல்

2024-03-28 16:14:07
news-image

கொழும்பு கிராண்ட்பாஸ் பகுதியில் தீ பரவல்

2024-03-28 15:52:31
news-image

இன்றைய நாணய மாற்று விகிதம் 

2024-03-28 16:02:37
news-image

மீண்டும் அதிகரித்த தங்கத்தின் விலை!

2024-03-28 14:48:17
news-image

மக்களின் துயரங்களுக்கு தீர்வு காண நாட்டின்...

2024-03-28 14:26:10
news-image

இருவரைச் சுட்டுக் கொன்ற சம்பத் சமிந்தவின்...

2024-03-28 16:00:53
news-image

மாதமொன்றுக்கு 6 இலட்சம் கோழி முட்டைகள்...

2024-03-28 13:56:01
news-image

கத்தரிக்கோலால் தாக்கப்பட்டு ஒருவர் கொலை ;...

2024-03-28 12:03:22
news-image

ஆபாசப் படங்கள், நிர்வாணப் படங்கள் தொடர்பில்...

2024-03-28 12:07:47