சோமாலியா நாட்டின் வட-மத்திய பகுதியில் இன்று இராணுவ முகாம் மீது மனித வெடிகுண்டு நடத்திய தாக்குதலில் இராணுவ கட்டளைத் தளபதி உட்பட 3 உயரதிகாரிகள் உடல் சிதறி உயிரிழந்துள்ளனர்.

அல் கொய்தா பயங்கரவாத இயக்கத்தின் ஆதரவாளர்களாக சோமாலியா நாட்டில் இயங்கிவரும் அல் ஷபாப் பயங்கரவாதிகள் அவ்வப்போது வன்முறை தாக்குதல்களை நடத்தி வருகின்றனர். 

இந்நிலையில் சோமாலியா நாட்டின் வட-மத்திய பகுதியில் கல்காயோ நகரில் உள்ள இராணுவ முகாமின் மீது இன்று தற்கொலைப்படையைச் சேர்ந்த பயங்கரவாதி நடத்திய தாக்குதலில் இராணுவ கட்டளைத் தளபதி உட்பட 3 உயரதிகாரிகள் உடல் சிதறி உயிரிழந்துள்ளனர்.

காயமடைந்தவர்களில் ஓரிருவரின் நிலை கவலைக்கிடமாக உள்ளதால் இத் தாக்குதலில் பலியானோரின் எண்ணிக்கை மேலும் அதிகரிக்கக்கூடும் என அஞ்சப்படுகிறது.