‘சில்க் ’ ஜிப்பா போடும் ஒளிப்பதிவாளர்.!

Published By: Robert

04 Apr, 2018 | 02:18 PM
image

சதுரங்க வேட்டை, எங்கிட்ட மோதாதே போன்ற படங்களில் நடித்து பிரபலமானவர் ஒளிப்பதிவாளர் நட்டி என்கிற நட்ராஜ். இவர் தற்போது புதிதாக ‘சில்க்’ என்ற படத்தில் நடிக்க ஒப்பந்தம் செய்யப்பட்டிருக்கிறார்.

இது குறித்து அவரிடம் கேட்டபோது, ‘இரட்டை இயக்குநர்களான ஹரி மற்றும் ஹரீஷ் இந்த கதையை எம்மிடம் சொன்னவுடன் ஒப்புக்கொண்டேன். அற்புதமான க்ரைம் திரில்லர். காஞ்சிபுரத்தை பின்னணியைக் கொண்ட கதை. இதில் நான் ஓன்லைனில் வாங்கும் பொருட்களை வாடிக்கையாளர்களுக்கு கொண்டு சேர்க்கும் டெலிவரி பாயாக நடிக்கிறேன். இதற்கு மேல் சொன்னால் கதை கசிந்துவிடும். இந்த படத்தில் எக்சன் காட்சிகள் அதிகம். இந்த படமும் சதுரங்கவேட்டையை விட பேசப்படும் படமாக அமையும் என்று நம்புகிறேன்.’ என்றார்.

நட்டி என்கிற நட்ராஜ் ஒரு படத்தில் நடிக்கிறார். பிறகு ஒரு முன்னணி நடிகரின் படத்திற்கு ஒளிப்பதிவு செய்கிறார். இவரின் அணுகுமுறை திரையுலகில் அனைவருக்கும் பிடித்திருக்கிறது என்கிறார்கள் விடயமறிந்தவர்கள்.

முக்கிய செய்திகள்

icon-left
icon-right

தொடர்பான செய்திகள்