ஜனாதிபதியுடனான சந்திப்பின் பின்னர் எதிர்க்கட்சித் தலைவர் இரா.சம்பந்தன், பிரதமருக்கு எதிரான நம்பிக்கையில்லா பிரேரணை தொடர்பில் இதுவரை தீர்மானிக்கவில்லையென தெரிவித்துள்ளார்.

பிரதமருக்கு எதிரான நம்பிக்கையில்லா பிரேரணை குறித்து தமிழ் தேசியக் கூட்டமைப்பின் கூட்டம் இன்று காலை கூடியது. 

எனினும் குறித்த கூட்டத்தில் எவ்வித தீர்மானமும் எட்டப்படாது நிறைவடைந்த நிலையில் மீண்டும் 2 மணிக்கு தமிழ்த் தேசியக் கூட்டமைப்பின் சந்திப்பு இடம்பெறுவதுடன் அதன்பின்னர் இறுதி தீர்மானம் அறிவிக்கப்படும் என தெரிவிக்கப்பட்டது.

இதேவேளை, பிரதமருக்கு எதிரான நம்பிக்கையில்லா பிரேரணை குறித்து தமிழ்த் தேசியக் கூட்டமைப்பின் கூட்டம் தீர்மானமின்றி முடிவடைந்ததையிட்டு, அவசரமாக ஜனாதிபதி மைத்திரிபால சிறிசேனவைச் சந்திப்பதற்காக, எதிர்க்கட்சி தலைவர் சம்பந்தன் ஜனாதிபதி மாளிகைக்கு சென்றிருந்தார்.

இந்நிலையில் ஜனாதிபதியுடனான சந்திப்பின் பின்னர் எதிர்க்கட்சித் தலைவர் இரா.சம்பந்தன், பிரதமருக்கு எதிரான நம்பிக்கையில்லா பிரேரணை தொடர்பில் இதுவரை தீர்மானிக்கவில்லையென தெரிவித்துள்ளார்.