தவறவிடாதீர்கள்..!உடனே பதிவு செய்யுங்கள்

பருத்திதுறை நகர சபையையும் ஈழமக்கள் ஜனாயக கட்சியின் ஆதரவோடு தமிழ்த் தேசியக் கூட்டமைப்பு கைப்பற்றியுள்ளது.

இன்றையதினம் பருத்துறை நகரசபைக்கான தவிசாளர் தெரிவு இடம்பெற்றது. இதன்போது 7 வாக்குகள் பெற்று தமிழ்த்தேசிய கூட்டமைப்பை சேர்ந்த யோ.இருதயராசா தவிசாளராக தேர்வு செய்யப்பட்டுள்ளார்.

இதற்கமை தமிழ் தேசிய கூட்டமைப்பு சார்பில் போட்டியிட்ட யோ.இருதயராசா தமிழ் தேசிய மக்கள் முன்னணி சார்பில் போட்டியிட்ட பாலசுப்பிரமணியனை விட 7- 6 என்ற அடிப்படையில் ஒரு வாக்குகளை கூடுதலாகப்பெற்று சபையின் தவிசாளராக தெரிவு செய்யப்பட்டுள்ளார்.

பிரதி தவிசாளராக தமிழ்த்தேசிய கூட்டமைப்பினை சேர்ந்த மதினி நெல்சன் தெரிவுசெய்யப்பட்டுள்ளார்.

இதேவேளை தமிழ்த் தேசிய மக்கள் முன்னணி 6 ஆசனங்களை பெற்று பெரும்பான்மையை பெற்றிருந்த இந்தச்  சபையில் தமிழ் தேசிய கூட்டமைப்பு 5 ஆசனங்களை பெற்றிருந்தது.

எனினும் ஈழமக்கள் ஜனநாயக கட்சியின் இரண்டு பிரதிநிதிகளும் கூட்டமைப்புக்கு ஆதரவு தெரிவித்தமையால் தற்போது கூட்டமைப்பு ஆட்சி அதிகாரத்தைக் கைப்பற்றியிருக்கின்றமை குறிப்பிடத்தக்கது.