ஒரு வருட கால­மாக  கடு­மை­யான  தலை­வலி, வாந்தி மற்றும் காய்ச்­ச­லுடன் கூடிய வலிப்பு என்­ப­வற்றால் பாதிக்­கப்­பட்ட நிலையில் மருத்­து­வ­ம­னையில் அனு­ம­திக்­கப்­பட்ட நப­ரொ­ரு­வரின்  மூளையில் 30 க்கு மேற்­பட்ட நாடாப் புழு முட்­டைகள் இருப்­பதை கண்­ட­றிந்து மருத்­து­வர்கள் அதிர்ச்­சி­ய­டைந்த சம்­பவம் சீனாவில் இடம்­பெற்­றுள்­ளது.

  தென்­மேற்கு சீனாவில் குயி­ஸொயு பிராந்­தி­யத்தைச் சேர்ந்த வூ என சுருக்கப் பெயரால் அழைக்­கப்­படும் 46  வயது நபரின் மூளை­யி­லேயே இவ்­வாறு அள­வுக்­க­தி­க­மான நாடாப்புழு முட்­டைகள்  இருப்­பது மருத்­து­வ­மனை ஊடு­காட்டும் கருவி பரி­சோ­தனை மூலம் கண்­ட­றி­யப்­பட்­டுள்­ளது.

 அந்த முட்­டை­களில் சில  ஒரு சென்­ரி­மீற்றர் அள­வான விட்­டத்தைக் கொண்­டி­ருந்­த­தாக மருத்­து­வர்கள்  தெரி­விக்­கின்­றனர்.  வூ சமைக்­காத  அல்­லது  சரி­யான முறையில் சமைக்­கப்­ப­டாத பன்றி இறைச்­ சியை  உண்­டமை கார­ண­மா­கவே அவ ­ருக்கு மேற்­படி நாடாப் புழு தொற்று ஏற்­பட்­டுள்­ள­தாக நம்­பு­வ­தாக  மருத்­து­வர்கள் கூறு­கின்­றனர்.

இந்தப் புழு முட்­டைகள்  கார­ண­மாக மூளையில்  அள­வுக்­க­தி­கமாக நீர் சேர்ந்து   வூ கடும்  உடல்­நலப் பாதிப்­புக்­குள்­ளாக  நேர்ந்­த­தாக அவர்கள் கூறு­கின்­றனர்.

இந்­நி­லையில்  வூவிற்கு சிகிச்­சை­ய­ளித்த குயி­ஸொயு பல்­க­லைக்­க­ழ­கத்­துடன் இணைந்து செயற்­படும் மருத்­து­வ­ம­னையைச் சேர்ந்த  மருத்­து­வ­ரான  யாங் மிங்  கூறு­கையில்,  நாடாப்புழு முட்­டை­களை  அகற்ற மேற்­கொள்­ளப்­பட்ட அறுவைச் சிகிச்­சை­யை­ய­டுத்து வூ   தற்­போது அவ­சர சிகிச்சைப் பிரிவில்  சிகிச்சை பெற்று வரு­வ­தா­கவும் தொடர்ந்து அவ­ருக்கு உட­லி­லுள்ள நாடாப் புழுக்­களை கொல்­வ­தற்கு  சிகிச்­சை­ய­ளிக்­கப்­ப­ட­வுள்­ள­தா­கவும்  தெரி­வித்தார்.

 வூவின் மூளை­யி­லி­ருந்த முட்­டைகள்  பொரித்து  புழுக்கள் வெளி­யேறும் பட்­சத்தில் அவை மூளைக் கலங்­க­ளுக்கு பாரிய சேதத்தை விளை­வித்து உயி­ரா­பத்தை ஏற்­ப­டுத்தும் அபாயம் உள்­ள­தாக  அவர்  மேலும் கூறினார்.