அம்பாறையில் நிரந்தர ஆண்மைக்குறைவு மாத்திரை அல்லது நிரந்தர மலடாக்கல் மாத்திரை உணவோடு கலக்கப்பட்டது என்ற கருத்தே அடிப்படையற்றதும், விஞ்ஞான ரீதியாக சாத்தியமற்றதுமாகும் என்று உலக சுகாதார ஸ்தாபனமும் ஐக்கிய நாடுகள் சனத்தொகை நிதியமும் அறிவித்துள்ளன.
இது தொடர்பில் உலக சுகாதார அமை ப்பும் ஐக்கியநாடுகளின் சனத் தொகை நிதியமும் இணைந்து விடுத்துள்ள அறிக்கையில் தெரிவிக்கப்பட்டுள்ளதாவது,-
இலங்கையில் அண்மைக்காலமாக இடம்பெற்ற வன்முறைச் சம்பவங்களை உலக சுகாதார ஸ்தாபனமும் ஐக்கியநாடுகளின் சனத்தொகை நிதியமும் வன்மையாக கண்டிக்கின்றன.
விசேடமாக இனப்பெருக்கம் சுகாதாரம் தவறான தகவல் ஒன்றினால் இடம் பெற்ற அம்பாறை சம்பவம் தொடர்பான தவறான எண்ணப்பாட்டை நீக்கும் பொருட்டே எமது இரண்டு நிறுவனங்களாலும் இந்த அறிக்கை வெளியிடப்படுகின்றது. ஒருமனிதனை நிரந்தரமாக இனவிருத்தி செய்ய முடியாதவராக்கக்கூடியதான மருந்து என்ற ஒன்றே இல்லை அல்லது அறியப்படவில்லை.
ஆகவே நிரந்தர ஆண்மைக்குறைவு மாத்திரை அல்லது நிரந்தர மலடாக்கல் மாத்திரை உணவோடு கலக்கப்பட்டது என்ற கருத்தே அடிப்படையற்றதும், விஞ்ஞான ரீதியாக சாத்தியமற்றதுமாகும்.
சரியான இனப்பெருக்க சுகாதார தகவல்கள் மக்களுக்கு கிடைக்கவேண்டியதன் அவசியம், அதிலும் குறிப்பாக இளைஞர்களை சென்றடையவேண்டியதன் அவசியம் இதன்மூலம் தெளிவாக தெரிகின்றது.
இனப்பெருக்க சுகாதாரம் குறித்த தவறான தகவல்கள் இனங்களுக்கிடையே வெறுப்பையும் பதற்றத்தையும் உருவாக்க பயன்படுத்தப்படுகின்றன. இது நடைபெறவே கூடாது. உலக சுகாதார ஸ்தாபனமும் உலக சனத்தொகை நிதியமும் அனைத்து இலங்கையினரதும் சிறந்த ஆரோக்கியம் நல்வாழ்வுக்காக பணிபுரியும் இரண்டு நிறுவனங்களாகும்.
எனவே நாமும் ஐக்கிய நாடுகள் சபையுடன் இணைந்து நாட்டில் சட்டம் ஒழுங்கை நிலைநிறுத்துமாறும், மனித உரிமைகளையும் அனைவருக்குமான பாதுகாப்பு உறுதி செய்யுமாறும், அதிகார தரப்பினரையும் பொதுமக்களையும் வேண்டி நிற்கின்றோம்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM