முற்று முழுதாக பெண்கள் பணியாற்றும் எயார் இந்தியா விமானம் இலங்கை வருகை.!

சர்வதேச பெண்கள் தினத்தையொ ட்டி முற்றுமுழுதாக பெண் உத்தியோகத்தர்களைக் கொண்ட எயார் இந்தியா விமானமொன்று இன்று இலங்கையை வந்தடையவும் பின்னர் இங்கிருந்து புறப்படவும் உள்ளது.

இலங்கையில் மேற்கொள்ளப்படும் இந்த பெண்கள் தொடர்பான அரிய சமிக்ஞை நடவடிக்கையானது உலகளாவிய ரீதியில் பாராட்டைப் பெற்றுள்ளமை குறிப்பிடத்தக்கது.

இந்தியாவின் சென்னை நகரிலிருந்து கொழும்பிற்கும் பின்னர் கொழும்பிலிருந்து புதுடில்லிக்கும் இன்று வியாழக்கிழமை பயணத்தை மேற்கொள்ளும் மேற்படி எயார் இந்தியா விமானத்தை கப்டன் வி.ரூபா மற்றும் கப்டன் நிமிஷா கோல் ஆகியோர் செயற்படுத்தவுள்ளனர்.

அதேசமயம் இலங்கையிலுள்ள எயார் இந்தியா அலுவலகமானது கொழும்பு பிரிஸ்டல் வீதியிலுள்ள தனது அலுவலக கட்டடத்தில் வேறாக சர்வதேச பெண்கள் தினத்தை அனுஷ்டிக்கவுள்ளது. அங்கு பயண மற்றும் உபசரணை துறையிலுள்ள முன்னணி பெண்களால் நடத்தப்படும் விசேட வைபவமொன்று இடம்பெறவுள் ளது. அதேசமயம் இலங்கையிலுள்ள எயார் இந்தியா அலுவலகத்தில் முக்கிய பதவிகளை பெண்கள் வகிக்கின்றமை குறிப்பிடத்தக்கது.

அங்கு இலங்கைக்கான பிரா ந்திய முகாமையாளராக அலைஸ் ஜோபோலும் விமான நிலைய முகாமையாளராக மதுமிதா குப்தாவும் இலங்கைக்கான எயார் இந்தி யாவின் பயணிகள் விமான சேவையான இன்டஸ்கி ஏவியேஷனின் பொது முகா மையாளராக தனுஜா லங்கா திலகவும் பணியாற்றுகின்றமை குறிப்பிடத்தக்கது.