காலி - அஹங்கம வெல்ஹேங்கொட பகுதியில் இடம்பெற்ற வாகன விபத்தில் தாயும் மகளும் உயிரிழந்துள்ளதாக பொலிஸார் தெரிவித்தனர்.

இச் சம்பவம் இன்று காலை இடம்பெற்றுள்ளது.

மாத்தறையில் இருந்து கொழும்பு நோக்கி பயணித்த டிப்பர் ரக வாகனமும் கொழும்பிலிருந்து காலி நோக்கிப் பயணித்த காரொன்றும் நேருக்கு நேர் மோதியதிலேயே குறித்த விபத்துச் சம்பவம் நேர்ந்துள்ளது.

இதன்போது காரில் பயணித்த 68 வயதான தாயும் 32 வயதான மகளுமே உயிரிழந்துள்ளனர்.

இதேவேளை, குழந்தை உட்பட இருவர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளனர்.

உயிரிழந்த இருவரதும் சடலம் பிரேத பரிசோதனைக்காக வைத்தியசாலையில் வைக்கப்பட்டுள்ள நிலையில் பொலிஸார் மேலதிக விசாரணைகளை மேற்கொண்டு வருகின்றனர்.