தமிழர் விடுதலைக் கூட்டணிக்குள் ஏற்பட்டுள்ள குழப்பத்தையடுத்து, கூட்டணியின் செயலாளர் நாயகம் ஆனந்த சங்கரிக்கு எதிராக யாழ்.பொலிஸ் நிலையத்தில் முறைப்பாடு பதிவு செய்யப்பட்டுள்ளது.
தமிழர் விடுதலைக் கூட்டணியின் புதிய தலைவராக கடந்த வருடம் தெரிவுசெய்யப்பட்ட சிவசுப்பிரமணியத்தினால் செயலாளர் நாயகத்திற்கு எதிராக இந்த முறைப்பாடு பதிவு செய்யப்பட்டுள்ளது.
கூட்டணியின் உயர்மட்ட கூட்டமொன்று யாழ்.நாச்சிமார் கோவில் வீதியில் உள்ள கட்சியின் அலுவலகத்தில் நேற்று இடம்பெற்றது. இக் கூட்டத்திற்கு கூட்டணியின் தலைவர் சிவசுப்பிரமணியத்திற்கு அறிவித்தல் வழங்கப்படவில்லை. இருந்தபோதும் அக்கூட்டத்திற்கு சென்ற தலைவரை கூட்டத்தில் பங்குகொள்வதற்கு செயலாளர் நாயகம் ஆனந்தசங்கரி அனுமதிக்கவில்லை. இதனால் குறித்த இருவருக்கும் இடையில் முரண்பாடு ஏற்பட்டது. இந்நிலையில் ஆனந்தசங்கரி மற்றும் சிவசுப்பிரமணியத்திற்கு இடையில் ஏற்பட்ட வாய் தர்க்கத்தையடுத்து தலைவரினால் யாழ்.பொலிஸ் நிலையத்தில் ஆனந்தசங்கரிக்கு எதிராக முறைப்பாடு பதிவு செய்யப்பட்டது.
அம் முறைப்பாட்டில், தமிழர் விடுதலைக் கூட்டணியின் செயலாளர் நாயகம் ஆனந்தசங்கரி தன்னை தகாத வார்த்தைகளால் பேசியதாகவும், தனது சேட்டை பிடித்து தாக்க முற்பட்டதாகவும் தெரிவிக்கப்பட்டுள்ளது. இம்முறைப்பாட்டை அடுத்து மேலதிக விசாரணைகளை யாழ்.பொலிஸார் மேற்கொண்டு வருகின்றனர்.
இதேவேளை இச் சம்பவம் தொடர்பாக கூட்டணியின் தலைவர் சிவசுப்பிரமணியம் தெரிவிக்கையில்,
தற்போது கட்சியின் செயற்பாடுகள் தன்னிச்சையான முடிவுகளின் அடிப்படையில் மேற்கொள்ளப்படுவதாகவும், கடந்த உள்ளூராட்சி மன்றத் தேர்தலின் போது ஈ.பி.ஆர்.எல்.எவ். கட்சியுடன் கூட்டணி அமைப்பது தொடர்பாக தமக்கு தெரியப்படுத்தப்படவில்லை எனவும் இவ்வாறான நிலையிலேயே இன்றைய (நேற்றைய) சம்பவம் இடம்பெற்றுள்ளதாகவும் தெரிவித்தார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM